ശ്രീ​ല​ങ്ക​ക്കെ​തി​രാ​യ ര​ണ്ടാം ടെ​സ്റ്റി​ല്‍ ഇ​ന്ത്യ​ക്ക് മു​ന്‍​തൂ​ക്കം.പി. ​ചി​ന്ന​സ്വാ​മി സ്റ്റേ​ഡി​യ​ത്തി​ല്‍ രാ​ത്രി​യും പ​ക​ലു​മാ​യി ന​ട​ക്കു​ന്ന പി​ങ്ക് ബാ​ള്‍ ടെ​സ്റ്റി​ന്റെ ആ​ദ്യ​ദി​നം 16 വി​ക്ക​റ്റു​ക​ളാ​ണ് കൊ​ഴി​ഞ്ഞ​ത്. ടോ​സ് നേ​ടി ബാ​റ്റി​ങ് തെ​ര​ഞ്ഞെ​ടു​ത്ത ഇ​ന്ത്യ ല​ങ്ക​ന്‍ സ്പി​ന്ന​ര്‍​മാ​ര്‍​ക്കു​മു​ന്നി​ല്‍ പ​ത​റി​യെ​ങ്കി​ലും പ്ര​ത്യാ​ക്ര​മ​ണ ഇ​ന്നി​ങ്സു​മാ​യി ക​ളം​നി​റ​ഞ്ഞ ശ്രേ​യ​സ് അ​യ്യ​രു​ടെ (92) ക​രു​ത്തി​ല്‍ 252 റ​ണ്‍​സ​ടി​ച്ചു. മ​റു​പ​ടി ബാ​റ്റി​ങ്ങി​നി​റ​ങ്ങി​യ ല​ങ്ക ഇ​ന്ത്യ​ന്‍ പേ​സ​ര്‍​മാ​ര്‍​ക്ക് മു​ന്നി​ല്‍ മു​ട്ടി​ടി​ച്ച്‌ ആ​റി​ന് 86 എ​ന്ന നി​ല​യി​ലാ​ണ് ആ​ദ്യ ദി​നം ക​ളി​യ​വ​സാ​നി​പ്പി​ച്ച​ത്.

മൂ​ന്നു വി​ക്ക​റ്റു​മാ​യി ജ​സ് പ്രീ​ത് ബും​റ​യും ര​ണ്ടു വി​ക്ക​റ്റോ​ടെ മു​ഹ​മ്മ​ദ് ഷ​മി​യും ചേ​ര്‍​ന്ന പേ​സാ​ക്ര​മ​ണ​മാ​ണ് ല​ങ്ക​യു​ടെ ന​ടു​വൊ​ടി​ച്ച​ത്. ഒ​രു വി​ക്ക​റ്റ് ഇ​ടം​കൈ​യ്യ​ന്‍ സ്പി​ന്ന​ര്‍ അ​ക്സ​ര്‍ പ​ട്ടേ​ലി​നാ​ണ്. 43 റ​ണ്‍​സ​ടി​ച്ച വെ​റ്റ​റ​ന്‍ താ​രം എ​യ്ഞ്ച​ലോ മാ​ത്യൂ​സ് മാ​ത്ര​മാ​ണ് ല​ങ്ക​ന്‍ നി​ര​യി​ല്‍ പി​ടി​ച്ചു​നി​ന്ന​ത്. നാ​യ​ക​ന്‍ ദി​മു​ത് ക​രു​ണ​ര​ത്നെ (4), കു​ശാ​ല്‍ മെ​ന്‍​ഡി​സ് (2), ലാ​ഹി​രു തി​രി​മ​ന്നെ (8), ധ​ന​ഞ്ജ​യ ഡി​സി​ല്‍​വ (10), ച​രി​ത് അ​സ​ല​ങ്ക (5) എ​ന്നി​വ​രാ​ണ് പു​റ​ത്താ​യ മ​റ്റു ബാ​റ്റ​ര്‍​മാ​ര്‍. നി​രോ​ഷ​ന്‍ ഡി​ക് വെ​ല്ല​യും (13) ല​സി​ത് എം​ബു​ല്‍​ഡെ​നി​യ​യും (0) ആ​ണ് ക്രീ​സി​ല്‍.

ഇ​ന്ത്യ​ന്‍ ബാ​റ്റ​ര്‍​മാ​രി​ല്‍ ശ്രേ​യ​സ് മാ​ത്ര​മാ​ണ് ല​ങ്ക​ന്‍ സ്പി​ന്ന​ര്‍​മാ​ര്‍​ക്കെ​തി​രെ ന​ന്നാ​യി ക​ളി​ച്ച​ത്. 98 പ​ന്തി​ല്‍ നാ​ലു സി​ക്സും 10 ഫോ​റു​മാ​യി ത​ക​ര്‍​ത്തു​ക​ളി​ച്ച ശ്രേ​യ​സ് ഏ​റ്റ​വും അ​വ​സാ​ന​മാ​ണ് പു​റ​ത്താ​യ​ത്. ഋ​ഷ​ഭ് പ​ന്ത് (26 പ​ന്തി​ല്‍ 39) പ​തി​വു​ശൈ​ലി​യി​ല്‍ ആ​ക്ര​മി​ച്ചു​ക​ളി​ച്ചെ​ങ്കി​ലും അ​ധി​കം ആ​യു​സ്സു​ണ്ടാ​യി​ല്ല. ഏ​റ​ക്കാ​ല​ത്തി​നു​ശേ​ഷ​മു​ള്ള ടെ​സ്റ്റ് സെ​ഞ്ച്വ​റി​ക്കാ​യു​ള്ള വി​രാ​ട് കോ​ഹ്‍ലി​യു​ടെ (23) മോ​ഹം ന​ല്ല തു​ട​ക്ക​ത്തി​നു​ശേ​ഷം ഒ​രി​ക്ക​ല്‍ കൂ​ടി പൊ​ലി​ഞ്ഞു.

നാ​യ​ക​ന്‍ രോ​ഹി​ത് ശ​ര്‍​മ (15), മാ​യ​ങ്ക് അ​ഗ​ര്‍​വാ​ള്‍ (4), ഹ​നു​മ വി​ഹാ​രി (31), ര​വീ​ന്ദ്ര ജ​ദേ​ജ (4), ര​വി​ച​ന്ദ്ര​ന്‍ അ​ശ്വി​ന്‍ (13), അ​ക്സ​ര്‍ പ​ട്ടേ​ല്‍ (9), മു​ഹ​മ്മ​ദ് ഷ​മി (5) എ​ന്നി​ങ്ങ​നെ​യാ​ണ് മ​റ്റു​ള്ള​വ​രു​ടെ സ്കോ​ര്‍. ഇ​ന്ത്യ​യു​ടെ ഒ​മ്ബ​ത് വി​ക്ക​റ്റും വീ​ഴ്ത്തി​യ​ത് സ്​​പി​ന്ന​ര്‍​മാ​രാ​ണ്. എം​ബു​​ല്‍​ഡെ​നി​യ​യും പ്ര​വീ​ണ്‍ വി​ക്ര​മ​സിം​ഗെ​യും മൂ​ന്നു വീ​ത​വും ധ​ന​ഞ്ജ​യ ഡി​സി​ല്‍​വ ര​ണ്ടു വി​ക്ക​റ്റും വീ​ഴ്ത്തി. ഒ​രു വി​ക്ക​റ്റ് പേ​സ​ര്‍ സു​ര​ങ്ക ല​ക്മ​ലി​നാ​ണ്.