വനിത പ്രീമിയര് ലീഗില് തുടര്ച്ചയായ രണ്ടാം ജയവുമായി റോയല് ചലഞ്ചേഴ്സ് ബാംഗ്ലൂര് ഒന്നാം സ്ഥാനത്ത്...
![](https://www.malayalivartha.com/assets/coverphotos/w657/306127_1709083644.jpg)
വനിത പ്രീമിയര് ലീഗില് തുടര്ച്ചയായ രണ്ടാം ജയവുമായി റോയല് ചലഞ്ചേഴ്സ് ബാംഗ്ലൂര് ഒന്നാം സ്ഥാനത്ത്. ഗുജറാത്ത് ജയന്റ്സിനെ എട്ടു വിക്കറ്റിനാണ് തോല്പിച്ചത്.
ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഗുജറാത്ത് നിശ്ചിത 20 ഓവറില് ഏഴു വിക്കറ്റിന് 107 റണ്സിലൊതുങ്ങി. ബാംഗ്ലൂര് 12.3 ഓവറില് രണ്ടു വിക്കറ്റിന് ലക്ഷ്യംകാണുകയായിരുന്നു. ക്യാപ്റ്റനും ഓപണറുമായ സ്മൃതി മന്ദാന 27 പന്തില് 43 റണ്സെടുത്തു. സബ്ബിനേനെ മേഘന 28 പന്തില് 36ഉം എല്ലിസ് പെറി 14 പന്തില് 23ഉം റണ്സുമായി പുറത്താവാതെ നി്ന്നു.
നേരത്തേ, പുറത്താവാതെ 25 പന്തില് 31 റണ്സടിച്ച് ദയാലന് ഹേമലത ഗുജറാത്ത് ടോപ് സ്കോററായി. ഓപണര് ഹര്ലീന് ഡിയോള് 31 പന്തില് 22 റണ്സ് ചേര്ത്തു.
മറ്റൊരു ഓപണറും ക്യാപ്റ്റനുമായ ബെത്ത് മൂണി (8), ഫീബ് ലിച്ച്ഫീല്ഡ് (5), വേദ കൃഷ്ണമൂര്ത്തി (9), ആഷ് ലി ഗാര്ഡ്നര് (7), കാതറിന് ബ്രേസ് (3), സ്നേഹ് റാണ (12) എന്നിവരെല്ലാം വേഗം മടങ്ങി. ഗുജറാത്തിനായി സോഫി മോളിനൂസ് മൂന്നും രേണുക സിങ് രണ്ടും വിക്കറ്റെടുത്തു.
https://www.facebook.com/Malayalivartha