വനിതാ ഐപിഎല്ലില് മുംബൈ ഇന്ത്യന്സിന് തോല്വി...ഡല്ഹി കാപിറ്റല്സിനെതിരായ മത്സരത്തില് 29 റണ്സിനായിരുന്നു മുംബൈയുടെ തോല്വി
വനിതാ ഐപിഎല്ലില് മുംബൈ ഇന്ത്യന്സിന് തോല്വി. ഡല്ഹി കാപിറ്റല്സിനെതിരായ മത്സരത്തില് 29 റണ്സിനായിരുന്നു മുംബൈയുടെ തോല്വി.
ടോസ് നഷ്ടപ്പെട്ട് ബാറ്റിംഗിനെത്തിയ ഡല്ഹി നാല് വിക്കറ്റ് നഷ്ടത്തില് 192 റണ്സാണ് നേടിയത്. ക്യാപ്റ്റന് മെഗ് ലാന്നിംഗ് (53), ജമീമ റോഡ്രിഗസ് (69) മികച്ച പ്രകടനമാണ് പുറത്തെടുത്തത്.
മറുപടി ബാറ്റിംഗില് മുംബൈക്ക് എട്ട് വിക്കറ്റ് നഷ്ടത്തില് 163 റണ്സാണ് നേടാന് സാധിച്ചത്. 42 റണ്സ് നേടിയ അമന്ജോത് കൗറാണ് മുംബൈയുടെ ടോപ് സ്കോറര്. മലയാളി താരം സജന സജീവന് 14 പന്തില് 24 റണ്സെടുത്ത് പുറത്താവാതെ നിന്നു. മൂന്ന് വിക്കറ്റ് നേടിയ ജെസ് ജോനസെന് ഡല്ഹി നിരയില് തിളങ്ങി. രണ്ട് മലയാളി താരങ്ങള് നേര്ക്കുനേര് വന്ന മത്സരമായിരുന്നു ഇത്. മുംബൈക്കായി സജനയും ഡല്ഹിക്കായി മിന്നു മണിയും. എന്നാല് മിന്നുവിന് പ്ലയിംഗ് ഇലവനില് ഇടം നേടാനായില്ല.
"
https://www.facebook.com/Malayalivartha
