വനിതാ ഐപിഎല്ലില്‍ റോയല്‍ ചലഞ്ചേഴ്സ് ബാംഗ്ലൂര്‍ - ഡല്‍ഹി കാപിറ്റല്‍സ് ഫൈനല്‍...
വനിതാ ഐപിഎല്ലില്‍ റോയല്‍ ചലഞ്ചേഴ്സ് ബാംഗ്ലൂര്‍ - ഡല്‍ഹി കാപിറ്റല്‍സ് ഫൈനല്‍. എലിമിനേറ്ററില്‍ നിലവിലെ ചാംപ്യന്മാരായ മുംബൈ ഇന്ത്യന്‍സിനെ അഞ്ച് റണ്‍സിന് തോല്‍പ്പിച്ചാണ് ആര്‍സിബി ഫൈനലില്‍ കടന്നത്.
ഡല്‍ഹി, അരുണ്‍ ജെയ്റ്റ്ലി സ്റ്റേഡിയത്തില്‍ നടന്ന മത്സരത്തില്‍ ടോസ് നേടി ബാറ്റിംഗ് തിരഞ്ഞെടുത്ത റോയല്‍ ചലഞ്ചേഴ്സ് ബാംഗ്ലൂരിന് ആറ് വിക്കറ്റ് നഷ്ടത്തില്‍ 135 റണ്‍സെടുക്കാനാണ് സാധിച്ചത്.
50 പന്തില്‍ 66 റണ്‍സെടുത്ത എല്ലിസ് പെറിയാണ് ആര്‍സിബിയുടെ ടോപ് സ്‌കോറര്‍. മറുപടി ബാറ്റിംഗില്‍ മുംബൈക്ക് ആറ് വിക്കറ്റ് നഷ്ടത്തില്‍ 130 റണ്‍സെടുക്കാന്‍ മാത്രമെ സാധിച്ചിട്ടുള്ളൂ. മലയാളി താരം ആശാ ശോഭനയുടെ അവസാന ഓവര്‍ മത്സരത്തില്‍ നിര്‍ണായകമായി. ഞായറാഴ്ചയാണ് ഫൈനല്‍ നടക്കുക.
അവസാന ഓവറില്‍ 12 റണ്‍സാണ് മുംബൈക്ക് ജയിക്കാന്‍ വേണ്ടിയിരുന്നത്. എന്നാല്‍ ആറ് റണ്‍സ് മാത്രമാണ് താരം വിട്ടുകൊടുത്തത്. ഒരു വിക്കറ്റെടുക്കാനും സാധിച്ചു. താരതമ്യേന കുഞ്ഞന്‍ വിജയലക്ഷ്യത്തിലേക്ക് ഭേദപ്പെട്ട തുടക്കമാണ് മുംബൈക്ക് ലഭിച്ചത്.
"
https://www.facebook.com/Malayalivartha
