പുതിയ ഐ.പി.എല് സീസണു മുന്നോടിയായി പേരിലും ജഴ്സിയിലും മാറ്റം വരുത്തി ഭാഗ്യപരീക്ഷണത്തിനൊരുങ്ങി വിരാട് കോഹ്ലിയും സംഘവും
20 MARCH 2024 12:19 PM IST
മലയാളി വാര്ത്ത
പുതിയ ഐ.പി.എല് സീസണു മുന്നോടിയായി പേരിലും ജഴ്സിയിലും മാറ്റം വരുത്തി ഭാഗ്യപരീക്ഷണത്തിനൊരുങ്ങി വിരാട് കോഹ്ലിയും സംഘവും.
പേരിലെ ബാംഗ്ലൂര് മാറ്റി ബംഗളൂരു എന്നാക്കി. ഇനി മുതല് റോയല് ചലഞ്ചേഴ്സ് ബംഗളൂരു എന്നാണ് ടീം അറിയപ്പെടുക. 2014ല് കര്ണാടക സര്ക്കാര് വിവിധ നഗരങ്ങളുടെ പേരുകള് മാറ്റിയപ്പോള് ബാംഗ്ലൂരിന്റെ പേര് ബംഗളൂരു എന്നാക്കിയിരുന്നു.
എന്നാല്, ടീമിന്റെ പേരിലെ ബാംഗ്ലൂര് എന്നത് മാനേജ്മെന്റ് മാറ്റിയിരുന്നില്ല. അതിനുശേഷവും റോയല് ചലഞ്ചേഴ്സ് ബാംഗ്ലൂര് എന്നു തന്നെയാണ് ടീം അറിയപ്പെട്ടിരുന്നത്. ചൊവ്വാഴ്ച ബംഗളൂരു ചിന്നസ്വാമി സ്റ്റേഡിയത്തില് നടന്ന അണ്ബോക്സിങ് പരിപാടിയിലാണ് പേരുമാറ്റം ഔദ്യോഗികമായി പ്രഖ്യാപിച്ചത്.
ടീമിന്റെ പുതിയ ജഴ്സിയും പുറത്തിറക്കി. കറുപ്പും ചുവപ്പും സ്വര്ണവും നിറത്തിനു പകരം ജഴ്സിയില് നീല, ചുവപ്പ്, സ്വര്ണ നിറമായിരിക്കും. വനിത പ്രീമിയര് ലീഗില് കിരീടം നേടിയ സ്മൃതി മന്ഥാനക്കും സംഘത്തിനും ഗംഭീര സ്വീകരണമാണ് മാനേജ്മെന്റും ആരാധകരും സ്റ്റേഡിയത്തില് നല്കിയത്. ഗാര്ഡ് ഓഫ് ഓണര് നല്കിയാണ് ആര്.സി.ബി പുരുഷ താരങ്ങള് വനിത ടീം അംഗങ്ങളെ വരവേറ്റത്.
വെള്ളിയാഴ്ച നിലവിലെ ചാമ്പ്യന്മാരായ ചെന്നൈ സൂപ്പര് കിങ്സും റോയല് ചലഞ്ചേഴ്സ് ബാംഗ്ലൂരും തമ്മില് ചെന്നൈയിലെ ചെപ്പോക്ക് സ്റ്റേഡിയത്തിലാണ് ഐ.പി.എല് 2024ന്റെ ഉദ്ഘാടന മത്സരം നടക്കുക.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
