ഐ.പി.എല്ലില് രാജസ്ഥാന് റോയല്സും ലഖ്നോ സൂപ്പര് ജയന്റ്സും ഇന്ന് ആദ്യ മത്സരത്തിന്...
ഐ.പി.എല്ലില് രാജസ്ഥാന് റോയല്സും ലഖ്നോ സൂപ്പര് ജയന്റ്സും ഇന്ന് ആദ്യ മത്സരത്തിന്. വൈകുന്നേരം 3.30നാണ് സഞ്ജു സാംസണും സംഘവും കെ.എല്. രാഹുലിന് കീഴിലെത്തുന്ന ലഖ്നോയെ നേരിടാനിറങ്ങുക.
2022ല് ഫൈനലിലെത്തിയ രാജസ്ഥാന് കഴിഞ്ഞ വര്ഷം നിരാശപ്പെടുത്തിയിരുന്നു. സ്വന്തം കാണികള്ക്കു മുന്നില് ജയത്തോടെ തുടങ്ങുകയാവും ലക്ഷ്യം. 2022ല് അരങ്ങേറിയ ലഖ്നോ രണ്ടുതവണയും പ്ലേ ഓഫില് കടന്ന ടീമാണ്. ഇന്ത്യന് താരങ്ങളായ യശസ്വി ജയ്സ്വാള്, ധ്രുവ് ജുറെല്, ഇംഗ്ലീഷുകാരന് ജോസ് ബട്ട്ലര്, കരീബിയന് കളിക്കാരായ റോവ്മാന് പവല്, ഷിമ്രോണ് ഹിറ്റ്മെയര് തുടങ്ങിയവരാണ് രാജസ്ഥാന്റെ ബാറ്റിങ് കരുത്തായുളളത്.
ട്രെന്റ് ബോള്ട്ട് നയിക്കുന്ന പേസ് ബൗളിങ്ങും ഇന്ത്യയുടെ ലോകോത്തര സ്പിന്നര്മാരായ ആര്. അശ്വിന്റെയും യുസ്വേന്ദ്ര ചാഹലിന്റെയും സാന്നിധ്യവും സഞ്ജു സംഘത്തിന് മുതല്ക്കൂട്ടാണ്. മലയാളി താരം ദേവ്ദത്ത് പടിക്കലും ബാറ്റിങ്ങില് മിന്നാനുണ്ട്.
പരിക്കു കാരണം ഇടക്കിടെ ഇന്ത്യന് ടീമില്നിന്ന് പുറത്താവുന്ന രാഹുല് ഒരിക്കല്ക്കൂടി ഫിറ്റ്നസ് വീണ്ടെടുത്തിട്ടുണ്ടെങ്കിലും കുറച്ചുനാളത്തേക്ക് വിക്കറ്റ് കീപ്പറുടെ ചുമതല വഹിക്കാനാവില്ല. ക്വിന്റണ് ഡി കോക്കോ നിക്കോളാസ് പുരാനോ ആവും ഗ്ലൗസണിയുക.
"
https://www.facebook.com/Malayalivartha