അനായാസ വിജയം.... ചിന്നസാമി സ്റ്റേഡിയത്തില് വിരാട് കോലിയുടെ പോരാട്ടത്തെ നിഷ്പ്രഭമാക്കി കൊല്ക്കത്ത നൈറ്റ് റൈഡേഴ്സിന്റെ മിന്നും ജയം....
അനായാസ വിജയം.... ചിന്നസാമി സ്റ്റേഡിയത്തില് വിരാട് കോലിയുടെ പോരാട്ടത്തെ നിഷ്പ്രഭമാക്കി കൊല്ക്കത്ത നൈറ്റ് റൈഡേഴ്സിന്റെ മിന്നും ജയം. ബെംഗളൂരു ഉയര്ത്തിയ 183 എന്ന വിജയലക്ഷ്യം കൊല്ക്കത്ത 16.5 ഓവറില് ഏഴു വിക്കറ്റ് ശേഷിക്കേ മറികടക്കുകയും ചെയ്തു.
അര്ധ സെഞ്ചറി നേടിയ വെങ്കിടേഷ് അയ്യരുടെയും( 30 പന്തില് 50) സുനില് നരൈന്റെയും(22 പന്തില് 47) പ്രകടനമാണ് കൊല്ക്കത്തയുടെ വിജയം അനായാസമാക്കിയത്. 183എന്ന വിജയലക്ഷ്യം പിന്തുടര്ന്ന് ഇറങ്ങിയ കൊല്ക്കത്തയ്ക്ക് ഓപ്പണര്മാരായ ഫിലിപ് സാല്ട്ടും സുനില് നരൈനും മികച്ച തുടക്കമാണ് നല്കിയത്.
ഇരുവരും ഒന്നാം വിക്കറ്റില് കൂട്ടിച്ചേര്ത്ത 82 റണ്സ് കൊല്ക്കത്തയ്ക്ക് പോരാട്ടം എളുപ്പമാക്കി. 6.3 ഓവറില് മായങ്ക് ദാഗറിന്റെ പന്തില് നരൈന് പുറത്തായി. തൊട്ടടുത്ത ഓവറില് തന്നെ ഫിലിപ്പും(20 പന്തില് 30)പവലിയനിലേക്ക് മടങ്ങി.
പിന്നീടെത്തിയ ശ്രേയസ് അയ്യരെ(24 പന്തില് 39) കൂട്ടുപിടിച്ച് വെങ്കിടേഷ് അയ്യര് നടത്തിയ പോരാട്ടം കൊല്ക്കത്തയ്ക്ക് വിജയം അനായാസമാക്കി. 15.1 ഓവറില് യാഷ് ദയാലിന്റെ പന്ത് കോലി പിടിച്ച് വെങ്കിടേഷ് മടങ്ങുമ്പോള് കൊല്ക്കത്ത വിജയത്തിന്റെ പടിവാതില്ക്കല് എത്തിയിട്ടുണ്ടായിരുന്നു. റിങ്കു സിങ്ങും(5 പന്തില്5) ശ്രേയസും ചേര്ന്ന് 16.5 ഓവറില് ലക്ഷ്യം മറികടക്കുകയായിരുന്നു.
https://www.facebook.com/Malayalivartha