ആത്മവിശ്വാസത്തോടെ സഞ്ജുവും സംഘവും....പോയിന്റ് പട്ടികയില് ഒന്നാം സ്ഥാനം ലക്ഷ്യമിട്ട് രാജസ്ഥാന് റോയല്സ്
ആത്മവിശ്വാസത്തോടെ സഞ്ജുവും സംഘവും....പോയിന്റ് പട്ടികയില് ഒന്നാം സ്ഥാനം ലക്ഷ്യമിട്ട് രാജസ്ഥാന് റോയല്സ്.
തുടരെ രണ്ട് മത്സരങ്ങള് തോറ്റ് നില്ക്കുന്ന മുംബൈ ഇന്ത്യന്സ് ആദ്യ ജയം തേടി ഇന്ന് സ്വന്തം മൈതാനമായ വാംഖഡെയില് ഇറങ്ങും. എതിരാളികള് സഞ്ജു സാംസണ് നയിക്കുന്ന രാജസ്ഥാന് റോയല്സ്.
ക്യാപ്റ്റന് ഹര്ദിക് പാണ്ഡ്യ സമ്മര്ദ്ദത്തിന്റെ നടുവില് നില്ക്കുന്നു. രോഹിതിനെ മാറ്റി ക്യാപ്റ്റന് സ്ഥാനത്തേക്ക് എത്തിയ ഹര്ദികിനെ ഉള്ക്കൊള്ളാനായി ആരാധകര്ക്ക് ഇപ്പോഴും കഴിഞ്ഞിട്ടില്ല.
താരത്തിന്റെ ഗ്രൗണ്ടിലെ നടപടികളും ആരാധകരെ ചൊടിപ്പിക്കുന്നു. ഇതിനൊപ്പമാണ് തുടരെ രണ്ട് തോല്വികളും ടീമിനു നേരിടേണ്ടി വന്നത്. അതിനാല് മാറ്റാരേക്കാളും ജയം അനിവാര്യതയായി മാറുന്നത് ഹര്ദികിനു തന്നെ.
മറുഭാഗത്ത് റോയല്സ് സന്തുലിതാവസ്ഥയില് നില്ക്കുന്ന ടീമാണ്. നിലവില് ഐപിഎല്ലില് ആധികാരികമായി രണ്ട് വിജയങ്ങള് തുടരെ നേടിയ രാജസ്ഥാനെ അത്രയെളുപ്പം വീഴ്ത്താന് കഴിഞ്ഞില്ല. റിയാന് പരാഗിന്റെ നാലാം സ്ഥാനത്തെ പ്രകടനം ടീമിന്റെ ഘടനയെ തന്നെ മാറ്റി. ഒപ്പം ആവേശ് ഖാന്, സന്ദീപ് ശര്മ എന്നീ രണ്ട് ഡെത്ത് ഓവര് ബൗളര്മാരുടെ സാന്നിധ്യവും അവരുടെ മിന്നും ഫോമും സഞ്ജുവിനു ബോണസായി നില്ക്കുന്നു. സഞ്ജു അടക്കമുള്ള താരങ്ങള് ബാറ്റിങില് ഫോമിലാണ്.
https://www.facebook.com/Malayalivartha
