പഞ്ചാബ് ബാറ്റര്മാര് കളം നിറഞ്ഞ മത്സരത്തില് ഗുജറാത്ത് ടൈറ്റന്സിനെതിരെ പഞ്ചാബ് കിങ്സിന് 3 വിക്കറ്റ് വിജയം
പഞ്ചാബ് ബാറ്റര്മാര് കളം നിറഞ്ഞ മത്സരത്തില് ഗുജറാത്ത് ടൈറ്റന്സിനെതിരെ പഞ്ചാബ് കിങ്സിന് 3 വിക്കറ്റ് വിജയം. ആവേശം അവസാന ഓവറിലേക്ക് നീണ്ട മത്സരത്തിന്റെ അവസാന ഓവറില് പഞ്ചാബിന് ജയിക്കാന് വേണ്ടിയിരുന്നത് 7 റണ്സായിരുന്നു.
പന്തുമായി എത്തിയത് ദര്ശന് നല്കണ്ടെ. ഇന്നിങ്സില് ആദ്യമായി പന്തുമായി എത്തിയ നല്കണ്ടെ ആദ്യ പന്തില് തന്നെ പഞ്ചാബിന്റെ ഇംപാക്ട് പ്ലെയര് അഷുതോഷ് ശര്മയെ പുറത്താക്കികൊണ്ട് ഗുജറാത്തിന്റെ പ്രതീക്ഷകള് നിലനിര്ത്തുകയായിരുന്നു. എന്നാല്, ഒരു പന്ത് ബാക്കിനിര്ത്തി പഞ്ചാബ് വിജയം സ്വന്തമാക്കി.
ടോസ് നഷ്ടപ്പെട്ട് ബാറ്റിങ് അയയ്ക്കപ്പെട്ട ഗുജറാത്ത് ടൈറ്റന്സ് നായകന് ശുഭ്മന് ഗില് (48 പന്തില് 89), കെയ്ന് വില്യംസണ് (22 പന്തില് 26), സായ് സുദര്ശന് (9 പന്തില് 33), രാഹുല് തെവാത്തിയ (8 പന്തില് 23) എന്നിവരുടെ ബലത്തില് 20 ഓവറില് 4 വിക്കറ്റ് നഷ്ടത്തില് 199 റണ്സ് നേടിയപ്പോള് പഞ്ചാബിന്റെ പോരാട്ടം അവസാന ഓവര് വരെ നീളുകയായിരുന്നു. സ്കോര്: ഗുജറാത്ത് 20 ഓവറില് 4ന് 199. പഞ്ചാബ് 19.5 ഓവറില് 7ന് 200.
https://www.facebook.com/Malayalivartha