ശ്രീലങ്കയില്‍ നടക്കുന്ന ഒന്‍പതാമത് ഏഷ്യാ കപ്പിനുള്ള ഇന്ത്യയുടെ വനിതാ ക്രിക്കറ്റ് ടീമിനെ പ്രഖ്യാപിച്ചു... ടീമിനെ നയിക്കുക ഹര്‍മന്‍പ്രീത് കൗര്‍... ടീമില്‍ ഇടം നേടി മലയാളി താരങ്ങളായ ആശയും സജനയും.



ജൂലായ് 19 മുതല്‍ 28 വരെയാണ് ടൂര്‍ണമെന്റ്. ട്രാവലിങ് റിസര്‍വായി നാലുപേരെയും ഉള്‍പ്പെടുത്തി. എ ഗ്രൂപ്പില്‍ ഉള്‍പ്പെട്ട ഇന്ത്യ ജൂലായ് 19-ന് പാകിസ്താനെയാണ് ആദ്യം നേരിടുക.

21-ന് യു.എ.ഇ.യുമായും 23-ന് നേപ്പാളുമായുമാണ് മറ്റു ഗ്രൂപ്പ് ഘട്ട മത്സരങ്ങള്‍. ധാംബുള്ളയിലാണ് ഇന്ത്യയുടെ മൂന്ന് മത്സരങ്ങളും. മൊത്തം എട്ട് ടീമുകള്‍ ടൂര്‍ണമെന്റില്‍ പങ്കെടുക്കുകയും ചെയ്യും. നിലവിലെ ചാമ്പ്യന്മാരാണ് ഇന്ത്യ. ബംഗ്ലാദേശിനെ എട്ട് വിക്കറ്റിന് തോല്‍പ്പിച്ചാണ് ഇന്ത്യ കിരീടം ചൂടിയിരുന്നത്. പങ്കെടുക്കുന്ന മറ്റു ടീമുകള്‍ ശ്രീലങ്ക, ബംഗ്ലാദേശ്, മലേഷ്യ, തായ്ലാന്‍ഡ് എന്നിവയാണ്.