ശ്രീലങ്കന്‍ പര്യടനത്തിനുള്ള ടി20 ടീമിനെ പ്രഖ്യാപിച്ച് ഇന്ത്യ. ഐസിസി ടൂര്‍ണമെന്റില്‍ രോഹിതിന്റെ ഡെപ്യൂട്ടി ആയിരുന്ന ഹാര്‍ദിക് പാണ്ഡ്യയ്ക്ക് പകരം സൂര്യകുമാര്‍ യാദവിനെ ടി20 ഐ ക്യാപ്റ്റനായി ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡ് തിരഞ്ഞെടുത്തു. 2023 സീസണിലുടനീളം ഇന്ത്യന്‍ ടി20 ഐ ടീമിന്റെ ക്യാപ്റ്റനായിരുന്ന ഹാര്‍ദിക്കിനെ രോഹിത് ശര്‍മ്മയുടെ പിന്‍ഗാമിയായി തിരഞ്ഞെടുത്തില്ല. വാസ്തവത്തില്‍, ഇന്ത്യന്‍ ടി20 ഐ ടീമിലും ഹാര്‍ദിക് പാണ്ഡ്യയെ വൈസ് ക്യാപ്റ്റന്‍ സ്ഥാനത്ത് നിന്ന് നീക്കി. അതേസമയം മലയാളി താരം സഞ്ജു സാംസണ്‍ ടീമില്‍ ഇടം നേടിയിട്ടുണ്ട്.

7 മത്സരങ്ങള്‍ മാത്രം കളിച്ചതിന് ശേഷമാണ് സൂര്യകുമാര്‍ യാദവിനെ നായകനായി തിരഞ്ഞെടുത്തത്. 7 ടി20യില്‍ 5ലും സൂര്യകുമാര്‍ വിജയിക്കുകയും 300 റണ്‍സ് നേടുകയും ചെയ്തു. ക്യാപ്റ്റന്‍സിയില്‍ തന്റെ പ്രകടനം ഉയര്‍ത്തിയ താരം ആ മത്സരങ്ങളില്‍ രണ്ട് അര്‍ധസെഞ്ച്വറികളും സെഞ്ച്വറികളും നേടിയിട്ടുണ്ട്. പരമ്പരയില്‍ മൂന്ന് ടി20യും അത്രയും ഏകദിനങ്ങളും ടീം ഇന്ത്യ കളിക്കും. പല്ലക്കലെയില്‍ നടക്കുന്ന പരമ്പരയുടെ ടി20 ലെഗ് ജൂലൈ 27 ന് ആരംഭിച്ച് ജൂലൈ 30 ന് അവസാനിക്കും. ഓഗസ്റ്റ് 02 ന് കൊളംബോയിലാണ് ഏകദിന മത്സരങ്ങള്‍ നടക്കുന്നത്.