ബംഗ്ലാദേശിനെ 7 വിക്കറ്റിനു തകര്‍ത്ത് ലങ്കന്‍ വനിതകള്‍... വനിതാ ഏഷ്യാ കപ്പ് ടി20 പോരാട്ടത്തില്‍ ശ്രീലങ്കയ്ക്ക് വിജയത്തുടക്കം.... ആദ്യം ബാറ്റ് ചെയ്ത ബംഗ്ലാദേശ് 8 വിക്കറ്റ് നഷ്ടത്തില്‍ 111 റണ്‍സെടുത്തു. ലങ്ക 17.1 ഓവറില്‍ മൂന്ന് വിക്കറ്റ് നഷ്ടത്തില്‍ 114 റണ്‍സെടുത്ത്് ജയം സ്വന്തമാക്കി.


ലങ്കക്കായി ഓപ്പണര്‍ വിഷ്മി ഗുണരത്‌നെ അര്‍ധ സെഞ്ച്വറി നേടി. താരം 7 ഫോറും ഒരു സിക്‌സും സഹിതം 51 റണ്‍സെടുത്തു. മൂന്നാം സ്ഥാനത്തിറങ്ങിയ ഹര്‍ഷിത സമരവിക്രമ 33 റണ്‍സ് കണ്ടെത്തി. ക്യാപ്റ്റന്‍ ചമരി അട്ടപ്പട്ടുവാണ് പുറത്തായ മറ്റൊരു താരം.

12 റണ്‍സാണ് ചമരി എടുത്തത്. ജയം തൊടുമ്പോള്‍ 12 റണ്‍സുമായി കവിഷ ദില്‍ഹരിയും 1 റണ്ണുമായി ഹസിനി പെരേരയുമാണ് ക്രീസിലുണ്ടായിരുന്നത്.
ലങ്കയ്ക്ക് നഷ്ടമായ മൂന്ന് വിക്കറ്റുകളും നഹിത അക്തര്‍ നേടി. താരം 4 ഓവറില്‍ 12 റണ്‍സ് മാത്രമാണ് വഴങ്ങിയത്.ടോസ് നേടി ബംഗ്ലാദേശ് ബാറ്റിങ് തിരഞ്ഞെടുക്കുകയായിരുന്നു.