കോഹ്ലിയുടെ റെക്കോര്‍ഡ് മറികടന്ന് ഇംഗ്ലണ്ട് ക്യാപ്റ്റന്‍ ഹാരി ബ്രൂക്ക്. ഓസ്‌ട്രേലിയയ്‌ക്കെതിരെ ബ്രിസ്റ്റോളില്‍ നടന്ന അഞ്ചാമത്തെയും അവസാനത്തെയും ഏകദിനത്തിലാണ് ബ്രൂക്ക് കോഹ്ലിയുടെ റെക്കോര്‍ഡ് തകര്‍ത്തത്.

മത്സരത്തില്‍ ഹാരി ബ്രൂക്ക് 52 പന്തില്‍ മൂന്ന് ഫോറും ഏഴ് സിക്സും സഹിതം 72 റണ്‍സെടുത്തു. 138.46 സ്‌ട്രൈക്ക് റേറ്റിലായിരുന്നു താരത്തിന്റെ മികച്ച ഇന്നിങ്സ് പിറന്നത്.

അഞ്ച് മത്സരങ്ങളടങ്ങുന്ന പരമ്പരയില്‍ 78.00 ശരാശരിയില്‍ ഒരു സെഞ്ച്വറിയും രണ്ട് അര്‍ധസെഞ്ചുറികളും സഹിതം 312 റണ്‍സാണ് താരം നേടിയത്. മികച്ച സ്‌കോര്‍ 110 റണ്‍സാണ് .

ഇംഗ്ലണ്ടിനെതിരെ 20 ഏകദിനങ്ങളില്‍ നിന്ന് 39.94 ശരാശരിയില്‍ 719 റണ്‍സാണ് ബ്രൂക്ക് നേടിയെടുത്തത്. ഒരു സെഞ്ച്വറിയും അഞ്ച് അര്‍ധസെഞ്ചുറികളും അടക്കം 106.73 ആണ് താരത്തിന്റെ സ്‌ട്രൈക്ക് റേറ്റ്. ഓസ്‌ട്രേലിയയ്‌ക്കെതിരായ ഏകദിന പരമ്പരയില്‍ ഒരു ക്യാപ്റ്റന്‍ നേടിയ ഏറ്റവും ഉയര്‍ന്ന റണ്‍സ് കോഹ്ലിയുടെ പേരിലായിരുന്നു.