വീണ്ടും ക്രിക്കറ്റ് ആവേശത്തിലേക്ക് തലസ്ഥാന നഗരി....കേരളത്തിന്റെ ആദ്യ മത്സരത്തിന് വേദിയാകുന്നത് തിരുവനന്തപുരം
വീണ്ടും ക്രിക്കറ്റ് ആവേശത്തിലേക്ക് തലസ്ഥാന നഗരി. രഞ്ജി ട്രോഫി ക്രിക്കറ്റില് ഈ സീസണിലെ കേരളത്തിന്റെ ആദ്യ മത്സരത്തിന് വേദിയാകുന്നത് തിരുവനന്തപുരം.
നാളെ പഞ്ചാബുമായാണ് കേരളത്തിന്റെ സീസണിലെ ആദ്യ പോരാട്ടം. തുമ്പ സെന്റ് സേവിയേഴ്സ് കോളജ് ഗ്രൗണ്ടിലാണ് മത്സരം .ഈ സീസണില് മികച്ച പ്രകടനം കാഴ്ച്ചവെക്കുകയെന്ന ലക്ഷ്യവുമായി ഇറങ്ങുന്ന കേരളത്തെ നയിക്കുന്നത് സച്ചിന് ബേബിയാണ്.
ദേശീയ ടീമിനൊപ്പമായതിനാല് സഞ്ജു സാംസനെ നിലവില് രഞ്ജി ടീമില് ഉള്പ്പെടുത്തിയിട്ടില്ല. മുന് ഇന്ത്യന് താരം അമയ് ഖുറേസിയ ആണ് ഇത്തവണ ടീമിന്റെ പരിശീലകന്.
എങ്കിലും സന്തുലിതമായ ടീമാണ് ഇത്തവണത്തേത്. സച്ചിന് ബേബിയും രോഹന് കുന്നുമ്മലും വിഷ്ണു വിനോദും മുഹമ്മദ് അസറുദ്ദീനും അണിനിരക്കുന്ന ബാറ്റിങ് നിര ശക്തമാണ്.
ഇവരോടൊപ്പം മറ്റ് സംസ്ഥാനങ്ങളില് നിന്നു അതിഥി താരങ്ങളായി എത്തിയ ബാബ അപരാജിതും ജലജ് സക്സേനയും ചേരുമ്പോള് ബാറ്റിങ് കരുത്ത് വീണ്ടും കൂടും. ഓള് റൗണ്ടര് ആദിത്യ സര്വാതെയാണ് മറ്റൊരു അതിഥി താരം. ഓള് റൗണ്ട് കരുത്തു കണിക്കാറുള്ള ജലജ് സക്സേനയുടെ പ്രകടനം കഴിഞ്ഞ സീസണുകളില് നിര്ണായകമായിരുന്നു.
https://www.facebook.com/Malayalivartha
