ആരാധകരെ വീണ്ടും ആവേശക്കൊടുമുടിയേറ്റാന്..... റൊണാള്ഡോയുടെ പോര്ച്ചുഗലും നെയ്മറിന്റെ ബ്രസീലും ഇന്ന് പോരാട്ടത്തിന് ഇറങ്ങുന്നു
ആരാധകരെ വീണ്ടും ആവേശക്കൊടുമുടിയേറ്റാന്..... റൊണാള്ഡോയുടെ പോര്ച്ചുഗലും നെയ്മറിന്റെ ബ്രസീലും ഇന്ന് പോരാട്ടത്തിന് ഇറങ്ങുന്നു. ഇതോടെ ആരാധക ആവേശം തിരിച്ചെത്തുമെന്നാണ് ഫുട്ബോള് ലോകത്തിന്റെ പ്രതീക്ഷ.
ഫിഫ ലോകകപ്പില് അര്ജന്റീനയുടെയും ജര്മനിയുടെയും തോല്വികളില് നിരാശരായിരിക്കുകയാണ് മലയാളികള്. ഒട്ടേറെ ആരാധകരുളള ഈ ടീമുകളുടെ തോല്വി ലോകകപ്പ് ആവേശം തണുപ്പിക്കുമെന്ന പേടിയിലാണ് ലോകകപ്പ് സംഘാടകരായ ഖത്തര്.
ഇന്ന് രാത്രി 9.30ന് നടക്കുന്ന പോരാട്ടത്തില് ക്രിസ്റ്റ്യാനൊ റൊണാള്ഡോയുടെ പോര്ച്ചുഗലിന് ആഫ്രിക്കന് കരുത്തന്മാരായ ഘാനയാണ് എതിരാളികള്.
ഇതിന് മുന്പ് ഒരിക്കലേ ഇരുടീമും ഏറ്റുമുട്ടിയിട്ടുള്ളൂ. 2014 ലോകകപ്പില് നേര്ക്കുനേര് വന്നപ്പോള് പോര്ച്ചുഗല് ഒന്നിനെതിരെ രണ്ട് ഗോളിന് ഘാനയെ തോല്പിച്ചു.സമീപകാലത്തുണ്ടായ വിമര്ശനങ്ങള്ക്ക് ബൂട്ടുകൊണ്ട് മറുപടി നല്കാന് കൂടിയാവും റോണാള്ഡോ ഇറങ്ങുക.
നാളെ പുലര്ച്ചെ 12.30ന് നടക്കുന്ന ബ്രസീല്-സെര്ബിയ പോരാട്ടത്തിനായാണ് ആരാധകര് ഉറ്റുനോക്കുന്നത്. ആറാം ലോക കിരീടത്തിനിറങ്ങുന്ന ലോക റാങ്കിംഗില് ഒന്നാം സ്ഥാനക്കാരായ ബ്രസീല് ആദ്യ മത്സരത്തിനിറങ്ങുമ്പോള് 25-ാം സ്ഥാനക്കാരായ സെര്ബിയ ആണ് എതിരാളികള്. റാങ്കിംഗില് കാര്യമില്ല ഗ്രൗണ്ടിലാണ് കളി എന്ന് സൗദി അറേബ്യയും ജപ്പാനും അട്ടിമറി വിജയങ്ങളോടെ തെളിയിച്ചതിനാല് ഇന്നത്തെ പോരാട്ടം ബ്രസീലിന് അനായാസമായി കാണാനാവില്ല. ഇന്നത്തെ പോരാട്ടത്തില് ബ്രസീലിന്റെ പ്രതീക്ഷയും കരുത്തും നെയ്മര് ജൂനിയറാണ്.
https://www.facebook.com/Malayalivartha