കേരളത്തിലെ മികച്ച കായിക താരത്തിനുള്ള ജിമ്മി ജോര്ജ് ഫൗണ്ടേഷന് പുരസ്കാരത്തിന് അര്ഹനായി ബാഡ്മിന്റണ് താരം എച്ച്.എസ്. പ്രണോയ്
കേരളത്തിലെ മികച്ച കായിക താരത്തിനുള്ള ജിമ്മി ജോര്ജ് ഫൗണ്ടേഷന് പുരസ്കാരത്തിന് അര്ഹനായി ബാഡ്മിന്റണ് താരം എച്ച്.എസ്. പ്രണോയ് .
ലക്ഷം രൂപയും ഫലകവും അടങ്ങുന്നതാണ് പുരസ്കാരം. ജോസ് ജോര്ജ് ഐ.പി.എസ് ചെയര്മാനും അഞ്ജു ബോബി ജോര്ജ്, റോബര്ട്ട് ബോബി ജോര്ജ്, സെബാസ്റ്റ്യന് ജോര്ജ്, ടി. ദേവപ്രസാദ് എന്നിവര് അംഗങ്ങളുമായ ജൂറിയാണ് ജേതാവിനെ തെരഞ്ഞെടുത്തത്.
ഡിസംബര് 24ന് പേരാവൂര് മാരത്തോണിന്റെ ഭാഗമായി ജിമ്മി ജോര്ജ് സ്റ്റേഡിയത്തില് നടക്കുന്ന ചടങ്ങില് അവാര്ഡ് സമ്മാനിക്കും. ഇന്ത്യയുടെ വോളിബാള് ഇതിഹാസം ജിമ്മി ജോര്ജിന്റെ സ്മരണക്കായി 1989ല് ആണ് ഫൗണ്ടേഷന് അവാര്ഡ് ഏര്പ്പെടുത്തിയത്.
2022ല് ഇന്ത്യയെ ചരിത്രത്തിലാദ്യമായി തോമസ് കപ്പ് ജേതാക്കളാക്കുന്നതില് നിര്ണായക പങ്കുവഹിച്ച പ്രണോയ് ലോക ടൂര്സ് ഫൈനല് റാങ്കിങ്ങില് ഈ വര്ഷം ഒന്നാം സ്ഥാനത്തായിരുന്നു.
2016ല് സ്വിസ് ഓപണും 2017ല് യു.എസ് ഓപണും കരസ്ഥമാക്കിയ പ്രണോയ് 2018ലെ കോമണ്വെല്ത്ത് ഗെയിംസില് ടീം ഇനത്തില് സ്വര്ണവും ഏഷ്യന് ചാമ്പ്യന്ഷിപ്പില് സിംഗിള്സില് വെങ്കലവും കരസ്ഥമാക്കി. ഈ വര്ഷം അര്ജുന അവാര്ഡ് നല്കി രാജ്യം ആദരിക്കുകയും ചെയ്തിരുന്നു.
"
https://www.facebook.com/Malayalivartha