ഒളിമ്പിക്സ് മാതൃകയില് കേരള സ്കൂള് ഒളിമ്പിക്സ് നടത്താനാവുമോ എന്ന് പരിശോധിക്കുമെന്ന് വിദ്യാഭ്യാസ വകുപ്പ് മന്ത്രി
ഒളിമ്പിക്സ് മാതൃകയില് കേരള സ്കൂള് ഒളിമ്പിക്സ് നടത്താനാവുമോ എന്ന് പരിശോധിക്കുമെന്ന് വിദ്യാഭ്യാസ വകുപ്പ് മന്ത്രി വി. ശിവന്കുട്ടി. വടുവന്ചാല് ജി.എച്ച്.എസ്.എസില് നൈപുണ്യവികസന പദ്ധതി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കണ്ണൂര്, തിരുവനന്തപുരം, തൃശൂര്, മലപ്പുറം ജില്ലകളില് കേരള സ്കൂള് ഒളിമ്പിക്സ് നടത്താനുള്ള വേദികള് ഉണ്ടെന്നാണ് മനസ്സിലാക്കുന്നത്. മറ്റു ജില്ലകളില് കൂടി സൗകര്യം വര്ദ്ധിപ്പിച്ചാല് എല്ലാ ജില്ലകളിലും കേരള സ്കൂള് ഒളിമ്പിക്സ് നടത്താനുള്ള സാധ്യത രൂപപ്പെട്ടേക്കും. വിദ്യാഭ്യാസ വകുപ്പിന് കീഴില് സ്വന്തമായി സ്പോര്ട്സ് കോംപ്ലക്സ് പരിഗണനയിലുണ്ടെന്നും മന്ത്രി വി. ശിവന്കുട്ടി.
വിദ്യാലയങ്ങളുടെ അടിസ്ഥാന സൗകര്യവികസനം അത്യന്താപേക്ഷിതമാണ്. എന്നാല് സ്കൂള് മൈതാനങ്ങളെ കവര്ന്നുകൊണ്ടുള്ള കെട്ടിട നിര്മ്മാണങ്ങള് ശരിയായ പ്രവണതയല്ല. കായികവും മാനസികവുമായ വളര്ച്ചയ്ക്ക് നിദാനമായ കളിമൈതാനങ്ങളെ നിലനിര്ത്തി വേണം കെട്ടിട നിര്മ്മാണത്തിന് സ്ഥലം കണ്ടെത്താന്. കായിക മേഖലയിലെ ഉണര്വ്വിനായി വിവിധ പദ്ധതികള് സര്ക്കാരിന്റെ പരിഗണനയിലുണ്ട്.
ജി.എച്ച്.എസ്.എസ് വടുവന്ചാല് ആസൂത്രണം ചെയ്ത് നടപ്പാക്കുന്ന അഞ്ചുപദ്ധതികള് മന്ത്രി ഉദ്ഘാടനം ചെയ്തു. ഫുട്ബോള് അക്കാദമി, പ്രീപ്രൈമറി പാര്ക്ക്, ഗണിതപാര്ക്ക്, സ്കില് പാര്ക്ക്, ട്രൈബല് മ്യൂസിയം, കാര്ബ ന്യൂട്രല് സ്കൂള് എന്നിങ്ങനെ അഞ്ചു നൂതന പദ്ധതികള്ക്കാണ് ഇവിടെ തുടക്കമായത്.
അതേസമയം സ്കൂള്തല കായികോത്സവങ്ങള് വിപുലമായി നടത്തും. നീന്തല് ഉള്പ്പെടെയുള്ള കായിക ഇനങ്ങള്ക്ക് പ്രത്യേക പരിഗണന നല്കും.
"
https://www.facebook.com/Malayalivartha
