ലോകകപ്പ് ഹോക്കിയില് സ്പെയിനെ പരാജയപ്പെടുത്തി ഇന്ത്യ
15ാം ഹോക്കി ലോകകപ്പില് പൂള് ഡി മത്സരത്തില് സ്പെയിനെ പരാജയപ്പെടുത്തി ഇന്ത്യ. റൂര്ക്കേലയിലെ പുതുതായി നിര്മിച്ച ബിര്സ മുണ്ട സ്റ്റേഡിയത്തില് നടന്ന മത്സരത്തില് ഇന്ത്യ എതിരില്ലാത്ത രണ്ട് ഗോളുകള്ക്കാണ് വിജയിച്ചത്. അമിത് രോഹിദാസ് (12ാം മിനിറ്റ്), ഹാര്ദിക് സിംഗ് (26) എന്നിവരാണ് ഇന്ത്യക്കായി സ്കോര് ചെയ്തത്. ലോകകപ്പില് ഇന്ത്യയുടെ 200ാമത്തെ ഗോള് കൂടിയായിരുന്നു രോഹിദാസിന്റെ ഗോള്. കേരളത്തിന്റെ ശ്രീജേഷാണ് ഇന്ത്യക്കായി ഗോള്വല കാത്തത്.
മറ്റു മല്സരങ്ങളില് ഇംഗ്ലണ്ട് വെയില്സിനെ ഏകപക്ഷീയമായ അഞ്ച് ഗോളുകള്ക്കും ഓസ്ട്രേലിയ ഫ്രാന്സിനെ ഏകപക്ഷീയമായ എട്ട് ഗോളുകള്ക്കും അര്ജന്റീന ദക്ഷിണാഫ്രിക്കയെ ഏകപക്ഷീയമായ ഒരു ഗോളിനും തോല്പ്പിച്ചു. ഫ്രാന്സിനെതിരായ മത്സരത്തില് ഓസീസിനായി ജെറെമി ഹെയ്വാര്ഡ്, ടോം ക്രെയ്ഗ് എന്നിവര് ഹാട്രിക് നേടി. ഇംഗ്ലണ്ട് (ലോക റാങ്കിംഗില് അഞ്ചാം സ്ഥാനം), വെയില്സ് (15ാം സ്ഥാനം) എന്നിവയാണ് ഇന്ത്യയ്ക്കൊപ്പം പൂള് ഡിയിലെ മറ്റ് ടീമുകള്.
https://www.facebook.com/Malayalivartha