പ്രൈം വോളിബോള്‍ ലീഗിന്റെ രണ്ടാംപതിപ്പ് ഇന്ന് ബംഗളൂരുവില്‍.... നിലവിലെ ചാമ്പ്യന്മാരായ കൊല്‍ക്കത്ത തണ്ടര്‍ബോള്‍ട്ടും ആതിഥേയരായ ബംഗളൂരു ടോര്‍പ്പിഡോസും തമ്മിലാണ് ആദ്യമത്സരം
പ്രൈം വോളിബോള്‍ ലീഗിന്റെ രണ്ടാംപതിപ്പ് ഇന്ന് ബംഗളൂരുവില്‍. നിലവിലെ ചാമ്പ്യന്മാരായ കൊല്‍ക്കത്ത തണ്ടര്‍ബോള്‍ട്ടും ആതിഥേയരായ ബംഗളൂരു ടോര്‍പ്പിഡോസും തമ്മിലാണ് ആദ്യമത്സരം.
രാത്രി ഏഴിന് കോറമംഗല ഇന്‍ഡോര്‍ സ്റ്റേഡിയത്തിലാണ് മത്സരം. മൂന്ന് നഗരങ്ങളിലായി നടക്കുന്ന ലീഗില്‍ കൊച്ചി ബ്ലൂ സ്പൈക്കേഴ്സ്, കലിക്കറ്റ് ഹീറോസ്, ഹൈദരാബാദ് ബ്ലാക്ക് ഹോക്സ്, അഹമ്മദാബാദ് ഡിഫന്‍ഡേഴ്സ്, ചെന്നൈ ബ്ലിറ്റ്സ്, മുംബൈ മെറ്റിയോഴ്സ് എന്നിവയാണ് മറ്റു ടീമുകള്‍.
മുംബൈ മെറ്റിയോഴ്സാണ് പുതുതായി ലീഗിലെത്തിയ ടീം. ബംഗളൂരു, ഹൈദരാബാദ്, കൊച്ചി എന്നിവയാണ് വേദികള്‍. മാര്‍ച്ച് അഞ്ചിന് കൊച്ചിയിലാണ് ഫൈനല്‍ നടക്കുക.
അമേരിക്കന്‍ താരം ബ്രാന്‍ഡന്‍ ഗ്രീന്‍വേ, ക്യൂബയുടെ ഹിരോഷി സെന്റല്‍സ്, വെനസ്വേലന്‍ ഒളിമ്പ്യന്‍ ജോസ് വെര്‍ഡി, പെറു ടീം ക്യാപ്റ്റന്‍ എഡ്വാര്‍ഡോ റോമെയ്, ഓസ്ട്രേലിയന്‍ താരം ട്രെന്റ് ഒ'ഡിയ എന്നീ വിദേശതാരങ്ങള്‍ക്കൊപ്പം ഇന്ത്യയുടെ പ്രധാന കളിക്കാരും ഇറങ്ങുകയാണ്. എ കാര്‍ത്തിക്, അമിത് ഗുലിയ, ഹര്‍ദീപ് സിങ്‌നി, വിനിത്കുമാര്‍, ജെറോം വിനീത്, ജി എസ് അഖിന്‍, രഞ്ജിത് സിങ് തുടങ്ങി ഇന്ത്യയുടെ മികച്ച താരങ്ങള്‍ വിവിധ ടീമുകളിലായി ലീഗിലുണ്ട്. വോളിബോള്‍ ക്ലബ് ലോകകപ്പ് ഈ വര്‍ഷം ഇന്ത്യയിലെത്തുന്ന സാഹചര്യത്തില്‍ ഇക്കുറി വോളി ലീഗും ആവേശകരമായേക്കും.
"
https://www.facebook.com/Malayalivartha
