വനിതാ പ്രീമിയര്‍ ലീഗില്‍ മുംബൈ ഇന്ത്യന്‍സ് ക്യാപ്റ്റനായി ഹര്‍മന്‍പ്രീത് കൗറിനെ നിയമിച്ചു. ശനിയാഴ്ച ഗുജറാത്ത് ജയന്റ്സിനെതിരെയാണ് മുംബൈ ഇന്ത്യന്‍സിന്റെ ആദ്യമത്സരം.

മുംബൈ ഡി വൈ പാട്ടീല്‍ സ്റ്റേഡിയത്തിലാണ് മത്സരം. അന്താരാഷ്ട്ര ക്രിക്കറ്റില്‍ 150 മത്സരം കളിക്കുന്ന ആദ്യ താരമായ ഹര്‍മന്‍പ്രീത് നിലവില്‍ ഇന്ത്യന്‍ ക്യാപ്റ്റനാണ്.

താരലേലത്തില്‍ 1.8കോടി രൂപയ്ക്കാണ് ഹര്‍മന്‍പ്രീതിനെ മുംബൈ സ്വന്തമാക്കിയത്. അമേലി കെര്‍, പൂജ വസ്ത്രാകര്‍, യസ്തിക ഭാട്ടിയ തുടങ്ങിയവരും മുംബൈ നിരയിലുണ്ട്.

ഷാര്‍ലെറ്റ് എഡ്വാര്‍ഡ്സാണ് മുഖ്യ പരിശീലക. ജുലന്‍ ഗോസ്വാമിയാണ് ബൗളിംഗ് കോച്ചും ഉപദേഷ്ടാവും. കഴിഞ്ഞ ദിവസം ഗുജറാത്ത് ജയന്റ്‌സിനെ ഓസ്‌ട്രേലിയന്‍ ഓപ്പണര്‍ ബേത് മൂണിയെ നിയമിച്ചിരുന്നു.


വനിതാ ലീഗില്‍ ക്യാപ്റ്റനാക്കുന്ന രണ്ടാമത്തെ ഓസ്‌ട്രേലിയന്‍ താരമാണ് മൂണി. നേരത്തെ, അഷ്‌ലി ഗാര്‍ഡ്‌നറെ ഗുജറാത്ത് ജയന്റ്‌സിന്റെ ക്യാപ്റ്റനായി പ്രഖ്യാപിച്ചിരുന്നു. അലീസ ഹീലിയാണ് യുപി വാരിയേഴ്‌സിനെ നയിക്കുന്നത്.