ഓസ്‌ട്രേലിയന്‍ ഓപ്പണ്‍ ടെന്നീസില്‍ നിലവിലെ ചാമ്പ്യന്‍ സെര്‍ബിയയുടെ നൊവാക് ജൊകോവിച്ച് മൂന്നാംറൗണ്ടില്‍ കടന്നു. പുരുഷ സിംഗിള്‍സില്‍ ഓസ്‌ട്രേലിയന്‍ താരമായ അലക്‌സി പോപിറിനെ 6-3, 4-6, 7-6, 6-3ന് തോല്‍പ്പിച്ചു.

അടുത്ത എതിരാളി അര്‍ജന്റീനയുടെ തോമസ് മാര്‍ടിന്‍ എച്ചെവെറിയാണ് . റഷ്യക്കാരന്‍ ആന്ദ്രേ റുബലേവ്, ഗ്രീക്ക്താരം സ്‌റ്റെഫാനോസ് സിറ്റ്‌സിപാസ് എന്നിവരും മൂന്നാംറൗണ്ടിലേക്ക് മുന്നേറി. റുബലേവ് 6-4, 6-4, 6-4ന് അമേരിക്കയുടെ ക്രിസ്റ്റഫര്‍ ഇയുബാങ്ക്‌സിനെ പരാജയപ്പെടുത്തി.

സിറ്റ്‌സിപാസി ന്റെ വിജയം ഓസ്‌ട്രേലിയക്കാരനായ ജോര്‍ദന്‍ തോംപ്‌സണിനെതിരെയായിരുന്നു. അമേരിക്കയുടെ ഫ്രാന്‍സിസ് തിയാഫോ രണ്ടാംറൗണ്ടില്‍ പുറത്തായി.വനിതാ സിംഗിള്‍സില്‍ ബെലാറസിന്റെ അരീന സബലെങ്കയും അമേരിക്കയുടെ കൊകൊ ഗഫും മുന്നേറി. സബലെങ്ക, ബ്രെന്‍ഡ ഫ്രുവിര്‍ടോവയെ 6-3, 6-2ന് കീഴടക്കി. എലിസെ മെര്‍ടന്‍സ് (ബല്‍ജിയം), ഓണ്‍സ് ജാബുര്‍ (ടുണീഷ്യ), കരോലിന്‍ ഗാര്‍ഷ്യ (ഫ്രാന്‍സ്) എന്നിവര്‍ പുറത്തായി. പുരുഷവിഭാഗം രണ്ടാംറൗണ്ടില്‍ ഇന്ത്യയുടെ സുമിത് നാഗല്‍ ഇന്ന് ചൈനയുടെ ഷാങ് ജുന്‍ ചെങ്‌മെയെ നേരിടുകയും ചെയ്യും.