സംസ്ഥാനത്തിന്റെ കായികവിഭവശേഷി അന്താരാഷ്ട്ര തലത്തില് ഉയര്ത്താന് ലക്ഷ്യമിട്ടു സര്ക്കാര് നടത്തുന്ന പ്രഥമ അന്താരാഷ്ട്ര കായിക ഉച്ചകോടിക്ക് കാര്യവട്ടം ഗ്രീന്ഫീല്ഡ് സ്റ്റേഡിയത്തില് ഇന്ന് തുടക്കം.. ഉദ്ഘാടനം മുഖ്യമന്ത്രി പിണറായി വിജയന്
സംസ്ഥാനത്തിന്റെ കായികവിഭവശേഷി അന്താരാഷ്ട്ര തലത്തില് ഉയര്ത്താന് ലക്ഷ്യമിട്ടു സര്ക്കാര് നടത്തുന്ന പ്രഥമ അന്താരാഷ്ട്ര കായിക ഉച്ചകോടിക്ക് കാര്യവട്ടം ഗ്രീന്ഫീല്ഡ് സ്റ്റേഡിയത്തില് ഇന്ന് തുടക്കം
വൈകുന്നേരം 6-ന് മുഖ്യമന്ത്രി പിണറായി വിജയന് ഉദ്ഘാടനം ചെയ്യും. മന്ത്രി വി. അബ്ദുറഹിമാന് അധ്യക്ഷനാകും. ചടങ്ങില് പ്രതിപക്ഷ നേതാവ് വി.ഡി. സതീശന്, സ്പീക്കര് എ.എന്. ഷംസീര്, മന്ത്രിമാര്, മുന് അത്ലറ്റ് അശ്വിനി നാച്ചപ്പ, ക്രിക്കറ്റ് താരങ്ങളായ സഞ്ജു സാംസണ്, മിന്നു മണി എന്നിവര് പങ്കെടുക്കും.
അതേസമയം നാലുദിവസം നീണ്ടു നില്ക്കുന്ന ഉച്ചകോടിയുടെ ഭാഗമായി, 13 വിഷയങ്ങളില് 105 കോണ്ഫറന്സുകളും സെമിനാറുകളും സ്പോര്ട്സ് എക്സ്പോ, ചലച്ചിത്രോത്സവം എന്നിവയും നടക്കും.
ഇന്ത്യയില് നിന്നും വിദേശത്തു നിന്നുമുള്ള ആയിരത്തോളം പ്രതിനിധികള് പങ്കെടുക്കുകയും ചെയ്യും. ഉച്ചകോടിയുടെ ഭാഗമായി എല്ലാ ദിവസം വൈകുന്നേരം വിവിധ കലാപരിപാടികളും അരങ്ങേറും. പ്രവേശനം സൗജന്യമാണ്. ആര്ച്ചറി, ഓട്ടോക്രോസ്, കുതിരയോട്ട മത്സരം, ആം റെസ്ലിങ്, ഫുഡ് ഫെസ്റ്റിവല് തുടങ്ങിയവയും ഉച്ചകോടിയുടെ ഭാഗമായി ഒരുക്കിയിട്ടുണ്ട്.
https://www.facebook.com/Malayalivartha
