അമേരി​ക്ക മേജർ സോക്കർ ലീഗിൽ ഈ സീസണി​ലും ഏറ്റവും കൂടുതൽ ഗോളുകൾ നേടി​യ കളി​ക്കാരനുള്ള ഗോൾഡൻ ബൂട്ട് സ്വന്തമാക്കി ഇന്റർ മയാമി സൂപ്പർ താരം ലയണൽ മെസി​.

തുടർച്ചയായി രണ്ടാം തവണയാണ് മെസി​ എം.എൽ.എസ്സിലെ ടോപ് സ്‌കോററാകുന്നത്. സീസണിൽ 26 ഗോളുകളാണ് മെസി​യുടെ സമ്പാദ്യം. മെസി​ ടോപ് സ്കോററായെങ്കി​ലും മയാമി​ക്ക് ലീഗ് കി​രീടം നേടാൻ കഴിഞ്ഞില്ല. കഴിഞ്ഞ സീസണിൽ 29 ഗോളുകളാണ് മെസി​ നേടിയി​രുന്നത്. ഇതോടെ എം.എൽ.എസ് ചരിത്രത്തിൽ തുടർച്ചയായി ഗോൾഡൻ ബൂട്ട് നേടുന്ന ആദ്യതാരമെന്ന റെക്കാഡ് മെസി​ സ്വന്തം പേരിലാക്കി.

എഫ്.സി ഡാലസ് സ്‌ട്രൈക്കർ പീറ്റർ മൂസയാണ് ഗോളടി​യി​ൽ മെസി​ക്ക് പിന്നിലുള്ളത്. 22 ഗോളുകളാണ് മൂസ അടിച്ചത്. നാഷ്‌വില്ലെയുടെ സാം സറിഡ്ജ് 21 ഗോളുകളോടെ പട്ടികയിൽ മൂന്നാമതെത്തി. മേജർ സോക്കർ ലീഗിൽ 34 മത്സരങ്ങളിൽ നിന്ന് 16 ജയവും 12 സമനിലയും ആറ് തോൽവിയുമടക്കം 60 പോയി​ന്റുമായാണ് മയാമി രണ്ടാമതെത്തിയത്.