സ്വപ്നം പൊലിഞ്ഞു.... ഇന്ത്യന് വനിതാ ഗുസ്തി താരം വിനേഷ് ഫോഗട്ട് നല്കിയ അപ്പീല് അന്താരാഷ്ട്ര കായിക തര്ക്കപരിഹാര കോടതി തള്ളി... വിശദമായ വിധി പിന്നീട്
സ്വപ്നം പൊലിഞ്ഞു.... ഇന്ത്യന് വനിതാ ഗുസ്തി താരം വിനേഷ് ഫോഗട്ട് നല്കിയ അപ്പീല് അന്താരാഷ്ട്ര കായിക തര്ക്കപരിഹാര കോടതി തള്ളി... വിശദമായ വിധി പിന്നീട്.
ഒളിംപിക്സിലെ വനിതാ വിഭാഗം 50 കിലോ ഗ്രാം ഫ്രീ സ്റ്റൈല് ഗുസ്തി ഫൈനലിന് മുമ്പ് നടത്തിയ പതിവ് ഭാരപരിശോനയിലാണ് വിനേഷ് ഫോഗട്ടിന് 100 ഗ്രാം അധികഭാരമുണ്ടെന്ന് കണ്ടെത്തിയതിനെ തുടര്ന്നാണ് വിനേഷിനെ അയോഗ്യയാക്കിയത്. ഇതോടെ സെമിയില് വിനേഷിനോട് തോറ്റ ക്യൂബന് താരം യുസ്നെലിസ് ഗുസ്മാന് ലോപസ് ഫൈനലില് അമേരിക്കന് താരം സാറാ ഹില്ഡര്ബ്രാന്ഡിനോട് മത്സരിച്ചു.
സാറ ഫൈനലില് ജയിച്ച് സ്വര്ണം നേടി. ക്യൂബന് താരം വെള്ളി നേടിയപ്പോള് ക്വാര്ട്ടറില് വിനേഷിനോട് തോറ്റ ജപ്പാന് താരം യു സുസാകി റെപ്പഷാജില് മത്സരിച്ച് വെങ്കലവും സ്വന്തമാക്കിയിരുന്നു.
അതേസമയം ഒളിംപിക്സ് തീരുന്നതിന് മുന്പ് വിനേഷ് ഫോഗട്ടിന്റെ അപ്പീലില് തീര്പ്പുണ്ടാവുമെന്നായിരുന്നു വെള്ളിയാഴ്ച കോടതി അറിയിച്ചത്. അതിനിടെ ഞായറാഴ്ച രാത്രി 9.30 ഓടെ വിധിയുണ്ടാകുമെന്ന അറിയിപ്പ് വന്നു. പക്ഷേ തീരുമാനമെടുക്കാന് സമയം നീട്ടിച്ചോദിച്ച ആര്ബിട്രേറ്റര് അന്നാബെല് ബെന്നറ്റിന്റെ ആവശ്യം കോടതി അംഗീകരിക്കുകയായിരുന്നു.
അതേസമയം വിനേഷിന്റെ അപ്പീലിനെ അന്താരാഷ്ട്ര ഗുസ്തി ഫെഡറേഷന് കോടതിയില് ശക്തമായി എതിര്ത്തു. വാദത്തിനിടെ ഫെഡറേഷന് കോടതിയില് ആവര്ത്തിച്ചു പറഞ്ഞത്, ഒളിംപിക്സില് വിനേഷ് ഫോഗട്ട് മാത്രമല്ല, മറ്റ് പല താരങ്ങളും ഭാരപരിശോധനയില് പരാജയപ്പെട്ടിട്ടുണ്ടെന്നും എല്ലാവര്ക്കും ഒരേ നീതി ഉറപ്പാക്കുക എന്നതാണ് ഏറ്റവും പ്രധാനമെന്നും വിനേഷ് ഫോഗട്ടിന് മാത്രമായി ഒരു ഇളവ് അനുവദിക്കാന് കഴിയില്ലെന്നുമായിരുന്നു.
"
https://www.facebook.com/Malayalivartha
