വിദ്യാഭ്യാസകായിക വകുപ്പുകള്‍ തമ്മിലുള്ള ഭിന്നത... ഒളിമ്പ്യന്‍ പി.ആര്‍. ശ്രീജേഷിനുള്ള സ്വീകരണപരിപാടി അവസാനഘട്ടത്തില്‍ മാറ്റിവെച്ച് സര്‍ക്കാര്‍.
തിങ്കളാഴ്ച വൈകുന്നേരം പരിപാടി നടക്കുമെന്നു മന്ത്രി വി. ശിവന്‍കുട്ടി ശനിയാഴ്ച പത്രസമ്മേളനത്തില്‍ പ്രഖ്യാപിച്ചിരുന്നു.

എന്നാല്‍, വൈകുന്നേരം അഞ്ചരയോടെ സ്വീകരണം മാറ്റിവെച്ചതായി അറിയിച്ചു. ഇരുവകുപ്പുകളും തമ്മിലുള്ള തര്‍ക്കം ശ്രദ്ധയില്‍പ്പെട്ടതിനാല്‍ വിഷയത്തില്‍ മുഖ്യമന്ത്രിയുടെ ഓഫീസ് ഇടപെട്ടെന്നാണ് സൂചനകളുള്ളത്.

വിദ്യാഭ്യാസ വകുപ്പ് ഏകപക്ഷീയമായി മുന്‍കൈയെടുത്ത് സ്വീകരണം ഒരുക്കിയതില്‍ കടുത്ത നീരസത്തിലാണ് കായികവകുപ്പ്. കായികതാരത്തിന് സ്വീകരണമൊരുക്കേണ്ടത് തങ്ങളാണെന്ന നിലപാടിലാണവര്‍. ശ്രീജേഷ് പൊതുവിദ്യാഭ്യാസ വകുപ്പില്‍ ജോയിന്റ് ഡയറക്ടറാണ് .