ഇരൂന്നൂറാം ടെസ്‌റ്റ്‌ മത്സരശേഷം ക്രിക്കറ്റ്‌ ഇതിഹാസം സച്ചിന്‍ ടെണ്ടുല്‍ക്കര്‍ വിരമിച്ചേക്കുമെന്ന്‌ റിപ്പോര്‍ട്ട്‌. നവംബറില്‍ ഇന്ത്യയില്‍വെച്ചു നടക്കുന്ന ഇന്ത്യ-വെസ്‌റ്റിന്റീസ്‌ മത്സരശേഷമായിരിക്കും സച്ചിന്‍ വിരമിക്കുക. സ്വന്തം നാടായ മുംബൈയില്‍വെച്ച്‌ വിരമിക്കാന്‍ സച്ചിന്‌ അവസരം ലഭിക്കുമെന്നാണ്‌ സൂചന.

ഇതുവരെ 198 ടെസ്റ്റ് മത്സരങ്ങള്‍ കളിച്ചിട്ടുള്ള സച്ചിന്‍ 53.86 ശരാശരിയില്‍ 15,837 റണ്‍സാണ് അടിച്ചുകൂട്ടിയിട്ടുള്ളത്. 51 ടെസ്റ്റ് സെഞ്ച്വറികളും സച്ചിന്‍ നേടിയിട്ടുണ്ട്. ഏകദിനത്തിലും ട്വന്റി 20യിലും വിരമിച്ച സച്ചിന്‍ അന്താരാഷ്ട്രതലത്തില്‍ ടെസ്റ്റ് മത്സരങ്ങള്‍ മാത്രമാണ് ഇപ്പോള്‍ കളിക്കുന്നത്. 463 ഏകദിനങ്ങള്‍ കളിച്ചിട്ടുള്ള സച്ചിന്‍ 44.83ശരാശരിയില്‍ 18,426 റണ്‍സ് നേടിയിട്ടുണ്ട്. 49 ഏകദിന സെഞ്ച്വറികളും മാസ്റ്റര്‍ ബ്ലാസ്റ്റര്‍ സ്വന്തം പേരില്‍ കുറിച്ചിട്ടുണ്ട്.

രണ്ട് ടെസ്റ്റുകളും മൂന്ന് ഏകദിനങ്ങളും അടങ്ങിയ പരമ്പരക്കാണ് വെസ്റ്റ് ഇന്‍ഡീസ് ഇന്ത്യയിലേക്ക് വരുന്നത്.