വിനോദ്‌ കാംബ്ലിയെ ഹൃദയാഘാതത്തെ തുടര്‍ന്ന്‌ ആശുപത്രിയില്‍ പ്രവേശിപ്പിച്ചു
മുന്‍ ഇന്ത്യന്‍ ക്രിക്കറ്റ് താരം വിനോദ്‌ കാംബ്ലിയെ ഹൃദയാഘാതത്തെ തുടര്‍ന്ന്‌ ആശുപത്രിയില്‍ പ്രവേശിപ്പിച്ചു. ഡ്രൈവിംഗിനിടയിലാണ്‌ കാംബ്ലിക്ക്‌ ഹൃദയാഘാതം അനുഭവപെട്ടത്‌. 2012 ജൂലൈയില്‍ ധമനികളില്‍ ഉണ്ടായ രണ്ട്‌ ബ്ലോക്കുകളെ തുടര്‍ന്ന്‌ കാംബ്ലിയെ ആന്‍ജിപ്ലാസ്റ്റിക്ക്‌ വിധേയനാക്കിയിരുന്നു.
വരുന്ന ജനുവരി പതിനെട്ടിന്‌ നാല്‍പത്തിരണ്ടാം വയസിലേക്ക്‌ കടക്കാനിരിക്കുകയാണ്‌ കാംബ്ലി. ഇന്ത്യക്കുവേണ്ടി പതിനേഴ്‌ ടെസ്റ്റുകളിലും, 104 ഏകദിനങ്ങളിലും കാംബ്ലി ബാറ്റേന്തിയിട്ടുണ്ട്‌.
ഇന്ത്യന്‍ ക്രിക്കറ്റിലെ ഇതിഹാസം സച്ചിന്‍ ടെണ്ടുല്‍ക്കറുമൊപ്പം 1988ലെ സ്‌കൂള്‍ മാച്ചില്‍ 664 റണ്‍സിന്റെ കൂട്ടുകെട്ടുണ്ടാക്കി ലോക റെക്കോഡ്‌ സ്വന്തമാക്കിയതിലൂടെയാണ്‌ കാംബ്ലി പ്രശസ്‌തനാകുന്നത്‌. തന്റെ കളികൂട്ടുകാരനായിട്ടും ക്രിക്കറ്റിനോട്‌ വിടവാങ്ങിയ ശേഷം നടത്തിയ പാര്‍ട്ടിയില്‍ സച്ചിന്‍ കാംബ്ലിയെ ക്ഷണിച്ചിരുന്നില്ല. ഇത്‌ മാധ്യമങ്ങള്‍ വന്‍ ചര്‍ച്ചയാക്കിയിരുന്നു. തന്നെ സച്ചിന്‍ പാര്‍ട്ടിയില്‍ ക്ഷണിക്കാത്തതില്‍ കാംബ്ലി തന്റെ ദു:ഖം അറിയിക്കുകയും ചെയ്‌തിരുന്നു.
https://www.facebook.com/Malayalivartha
