ഒളിംപ്യന്‍മാരെ പരിശീലകരാക്കാന്‍ ഇനി ഒ.പി ജയ്ഷ
ഒളിംപ്യന്‍ ഒ.പി. ജയ്ഷ സ്‌പോട്‌സ് കൗണ്‍സില്‍ പരിശീലകയാകും
ഒളിംപ്യന്‍ ഒ.പി. ജയ്ഷ സ്‌പോട്‌സ് കൗണ്‍സില്‍ പരിശീലകയാകും. ദേശീയ ഗെയിംസില്‍ ഇരട്ട സ്വര്‍ണനേട്ടം കൈവരിച്ച ജയ്ഷയുടെ അപേക്ഷ, സര്‍ക്കാര്‍ കായിക വകുപ്പിന് കൈമാറി .വൈകാതെ നിയമനമുണ്ടാകുമെന്ന് സ്‌പോട്‌സ് കൗണ്‍സില്‍ പ്രസിഡന്റ് പറഞ്ഞു.
ഒളിംപ്യന്‍മാരെ പരിശീലകരാക്കാനുള്ള സ്‌പോട്‌സ് കൗണ്‍സില്‍ പദ്ധതിയുടെ ഭാഗമായാണ് ജയ്ഷയെ പരിശീലകയാക്കുന്നത്. ജോലി നല്‍കണമെന്ന് അഭ്യര്‍ഥിച്ച് ജയ്ഷ നല്‍കിയ കത്ത് മുഖ്യമന്ത്രി കായികവകുപ്പിന് കൈമാറിയിരുന്നു. തുടര്‍നടപടി ആവശ്യപ്പെട്ട് കായികവകുപ്പ് കഴിഞ്ഞ 15ന് കത്ത് കായിക സെക്രട്ടറിക്ക് കൈമാറി.
രാജ്യാന്തരതലത്തിലെ മത്സരപരിചയവും മികവും പരിശീലകയെന്നനിലയിലും പ്രയോജനകരമാകുമെന്ന കണക്കുകൂട്ടലിലാണ് സ്‌പോട്‌സ് കൗണ്‍സില്‍. പരിശീലകയാകാനുള്ള സന്നദ്ധത ജയ്ഷ സ്‌പോട്‌സ് കൗണ്‍സിലിനെ അറിയിച്ചിട്ടുമുണ്ട്. ഒളിംപിക്‌സിന് ശേഷം പരിശീലനത്തില്‍ വിട്ടു നില്‍ക്കുന്ന ജയ്ഷ പരീശീലക ആകാനുള്ള തയ്യാറെടുപ്പിലാണ്.
https://www.facebook.com/Malayalivartha
