തിളങ്ങുന്ന സുന്ദരമായ ചര്‍മ്മത്തിന്
തിളങ്ങുന്ന സുന്ദരമായ ചര്‍മ്മത്തിന് വീട്ടിലിരുന്നു തന്നെ ചെയ്യാവുന്ന ചില എളുപ്പവഴികള്‍ നോക്കാം
മുന്തിരി നീര്
മുഖം നന്നായി തിളങ്ങാന്‍ മുന്തിരി മുറിച്ച് മുഖത്തുരസിയാന്‍ മതി. 15 മിനിറ്റിനു ശേഷം തണുത്ത വെള്ളത്തില്‍ മുഖം കഴുകാം. ആഴ്ചയില്‍ മൂന്നു ദിവസം മുഖത്ത് മുന്തിരിനീര് പുരട്ടാം.
വെള്ളരിക്ക നീര്, ഗ്ലിസറിന്‍, റോസ് വാട്ടര്‍
വെള്ളരിക്ക നീര്, ഗ്ലിസറിന്‍, റോസ് വാട്ടര്‍ എന്നിവ യോജിപ്പിച്ചു മുഖത്തുപുരട്ടാം. ഉണങ്ങുമ്പോള്‍ തണുത്തവെള്ളത്തില്‍ മുഖം നന്നായി കഴുകാം. സൂര്യപ്രകാശമേറ്റുള്ള ചര്‍മത്തിന്റെ കരുവാളിപ്പു മാറാന്‍ ഈ മിശ്രിതം സഹായിക്കും.
ചന്ദനം, മഞ്ഞള്‍, പാല്‍
ചന്ദനവും മഞ്ഞളും പാലും ചേര്‍ത്ത് കുഴമ്പുരൂപത്തിലാക്കി മുഖത്തു പുരട്ടാം. കുറച്ചു സമയത്തിനു ശേഷം ഉണങ്ങുമ്പോള്‍ കഴുകിക്കളയാം. മുഖ ചര്‍മം കൂടുതല്‍ മൃദുലവും സുന്ദരവുമാകും.
തേന്‍, പാല്‍പ്പാട
തണുപ്പു കാലത്ത് തേനും പാല്‍പ്പാടയും ചേര്‍ന്ന മിശ്രിതം മുഖത്തു പുരട്ടാം. അരമണിക്കൂറിനു ശേഷം കഴുകിക്കളയാം.
നാരങ്ങാ നീര്, പാല്‍, ഉപ്പ്
പാലും നാരങ്ങാനീരും ഒരു നുള്ള് ഉപ്പും യോജിപ്പിച്ചു മുഖത്തു പുരട്ടാം. ചര്‍മ സുഷിരങ്ങളിലിരിക്കുന്ന അഴുക്കു നീക്കം ചെയ്യാന്‍ ഇതു സഹായിക്കും.
തക്കാളി നീര്, നാരങ്ങ നീര്
തക്കാളി നീരും നാരങ്ങാ നീരും യോജിപ്പിച്ചു മുഖത്തു പുരട്ടാം. അല്‍പ സമയത്തിനു ശേഷം ഉണങ്ങുമ്പോള്‍ കഴുകിക്കളയാം. മുഖ ചര്‍മം തിളങ്ങും.
കാബേജ് നീര്, തേന്‍
കാബേജ് നീരും തേനും യോജിപ്പിച്ചു മുഖത്തു പുരട്ടാം. മുഖത്തെ ടുളിവുകള്‍ മാറി മുഖ ചര്‍മം തിളങ്ങാന്‍ ഈ മിശ്രിതം സഹായിക്കും.
കറ്റാര്‍വാഴ നീര്
ചര്‍മത്തിലെ ജലാംശം നിലനിര്‍ത്തി ചര്‍മം തിളങ്ങാന്‍ കറ്റാര്‍വാഴ നീരു മുഖത്തു പുരട്ടാം.
കടലമാവ്, മഞ്ഞള്‍പൊടി, തൈര്
കടലമാവും തൈരും മഞ്ഞള്‍പൊടിയും ചേര്‍ത്ത് കുഴമ്പുരൂപത്തിലാക്കി മുഖത്തു പുരട്ടാം. 15 മിനിട്ടിനു ശേഷം കഴുകിക്കളയാം. ചര്‍മം കൂടുതല്‍ സുന്ദരവും മൃദുലവുമാകും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
