ഇന്ത്യയുടെ നയാഗ്ര - അതിരപ്പള്ളി വെള്ളച്ചാട്ടം
പശ്ചിമഘട്ടത്തില് നിന്ന് ഉത്ഭവിക്കുന്ന ചാലക്കുടി പുഴയിലാണ് അതിരപ്പള്ളി വെള്ളച്ചാട്ടം.തൃശ്ശൂര് ജില്ലയിലെ ഈ സ്ഥലം മനോഹരമായ പ്രകൃതി സൗന്ദര്യം തുളുമ്പിനില്ക്കുന്നയിടമാണ്. ഇന്ത്യയുടെ നയാഗ്ര വെള്ളച്ചാട്ടം എന്നാണ് അതിരപ്പള്ളി അറിയുന്നത്.
മഞ്ഞുമൂടിയ മലനിരകളുടെയും പാറക്കൂട്ടങ്ങളുടേയും പശ്ചാത്തലത്തില് ഈ വെള്ളച്ചാട്ടം സമാനതകളില്ലാത്ത ദൃശ്യഭംഗിയാണ്നൽകുന്നത് .
ചാലക്കുടി പുഴ വാഴിച്ചല് വനമേഖലയിലൂടെയാണ് ഒഴുകുന്നത്. 24 മീറ്ററാണ് വെള്ളച്ചാട്ടത്തിന്റെ ഉയരം. താഴേക്ക് പതിക്കുന്ന വെള്ളം ചാലക്കുടി പുഴയിലേക്കാണ് ഒഴുകുന്നത്. റോഡില് നിന്നാല്, വെള്ളച്ചാട്ടത്തിന്റെ സൗന്ദര്യം മരങ്ങള്ക്കിടയിലൂടെ മുന്നില് തെളിയും.
24 മീറ്റര് ഉയരമുള്ള വെള്ളച്ചാട്ടം മുകളില് നിന്നും കാണാവുന്നതാണ്.
അതിനായി പ്രവേശന പാസ്സെടുത്ത് പ്രധാന കവാടം വഴി അകത്തു കടക്കണം. വിനോദസഞ്ചാരികള്ക്ക് വിശ്രമിക്കാന് പാകത്തിലുള്ള ചെറിയ റസ്റ്റോറന്റുകളും കോഫി ഷോപ്പുകളും ഇവിടെയുണ്ട്.
എല്ലാ ഭാഗങ്ങളിലേക്കും റോഡുകള് ഉള്ളതിനാല് യാത്ര സൗകര്യപ്രദമാണ്. വെള്ളച്ചാട്ടത്തിന് സമീപത്തേക്ക് പോയി താഴെ നിന്നും ഇതിന്റെ സൗന്ദര്യം നുകരാം. ഇവിടെ എത്തുന്നതിനും റോഡുണ്ട്. വെള്ളച്ചാട്ടത്തിന്റെ താഴെ നിന്നുള്ള കാഴ്ചയാണ് ഏറ്റവും മനോഹരം. ഇത് വരെ കാണാത്തവർക്കായി വീഡിയോ ഇതാ
കൊച്ചിയില് നിന്നോ തൃശ്ശൂര് നിന്നോ റോഡുമാര്ഗ്ഗം അതിരപ്പള്ളിയിൽ എത്താം
സമീപ റെയില്വേ സ്റ്റേഷൻ : ചാലക്കുടി (30 കിലോ മീറ്റര്)
സമീപ വിമാനത്താവളം : കൊച്ചിന് ഇന്റര്നാഷണല് എയര്പോര്ട്ട്
https://www.facebook.com/Malayalivartha