രാജ്യത്തെ പെട്രോള്‍, ഡീസല്‍ വിലകളില്‍ മാറ്റമില്ലാതെ 40 ദിവസം തുടരുന്നു. ഇതിനിടയില്‍ അസംസ്‌കൃത എണ്ണയുടെ അന്താരാഷ്ട്ര വിലയില്‍ കയറ്റിറക്കങ്ങളുണ്ടായെങ്കിലും ഇവിടെ അതു പ്രതിഫലിച്ചിട്ടില്ല. പെട്രോള്‍ വിലയില്‍ 50 ദിവസമായും ഡീസല്‍ വിലയില്‍ 40 ദിവസമായും മാറ്റമില്ലാതെ തുടരുകയാണ്. വ്യാഴാഴ്ചത്തെ നിരക്കനുസരിച്ച് മുംബൈയില്‍ പെട്രോളിന് 87.74 രൂപയാണ്.
ഡല്‍ഹിയിലിത് 81.06 രൂപയും ചെന്നൈയില്‍ 84.14 രൂപയുമാണ്. ഡീസലിന് മുംബൈയില്‍ 76.86 രൂപയുള്ളപ്പോള്‍ ഡല്‍ഹിയില്‍ 70.46 രൂപയും ചെന്നൈയില്‍ 75.95 രൂപയും നല്‍കണം.