സര്‍വകാല റെക്കോര്‍ഡുകള്‍ കടന്ന് ഇന്ധനവില കുതിക്കുന്നു.... തുടര്‍ച്ചയായ പതിമൂന്നാം ദിവസവും വിലയില്‍ വര്‍ദ്ധനവ്.. ഓരോ ദിവസവും സര്‍വകാല റെക്കോര്‍ഡും കടന്ന് ഇന്ധന വില കുതിക്കുകയാണ്. പെട്രോളിനും ഡീസലിനും ലിറ്ററിന് 39 പൈസ വീതമാണ് വര്‍ധിപ്പിച്ചത്.

കൊച്ചിയില്‍ പെട്രോളിന് 90 രൂപ 85 പൈസയും ഡീസലിന് 85 രൂപ 49 പൈസയുമായി. 92 രൂപ 69 പൈസയാണ് തിരുവനന്തപുരത്ത് പെട്രോള്‍ വില. 87 രൂപ 22 പൈസയാണ് തലസ്ഥാനത്തെ ഡീസല്‍ വില.രാജ്യത്തെ ഒട്ടേറെ സ്ഥലങ്ങളില്‍ പെട്രോള്‍ വില നൂറ് കടന്നിരിക്കുകയാണ്.

ഇന്ധനവില കൂടുന്നത് അവശ്യസാധനങ്ങളുടെ വിലയെയും ബാധിച്ചിട്ടുണ്ട്. ഇന്ധനവില വരും ദിവസങ്ങളിലും ഉയരാനാണ് സാധ്യത.