ഇരുട്ടടിയായി ഇന്ധന വിലവര്‍ധന തുടരുന്നു. പെട്രോളിന് 27 പൈസയും ഡീസലിന് 31 പൈസയുമാണ് ഇന്ന് വര്‍ധിപ്പിച്ചത്.കോവിഡ് കാലത്ത് സാധാരണ ജനങ്ങളെ ദുരിതത്തിലാക്കിയിരിക്കുകയാണ് പെട്രോളിന്റെയും ഡീസലിന്റെയും വില വര്‍ദ്ധനവ്.

തിരുവനന്തപുരത്ത് പെട്രോളിന് 93.77 രൂപയും ഡീസലിന് 88.56 രൂപയുമാണ് വില. കൊച്ചിയില്‍ പെട്രോളിന് 91.99 രൂപയും ഡീസലിന് 87.02 രൂപയുമാണ് ഇന്നത്തെ വില.

18 ദിവസത്തെ ഇടവേളയ്ക്കു ശേഷം മേയ് നാല് മുതലാണ് ഇന്ധന വില പരിഷ്‌കരിച്ചു തുടങ്ങിയത്. മേയ് ഏഴുവരെ തുടര്‍ച്ചയായി വില വര്‍ധിച്ചു. എട്ട്, ഒമ്പത് തീയതികളില്‍ മാറ്റമില്ലാതെ തുടര്‍ന്നു. അഞ്ച് ദിവസംകൊണ്ട് പെട്രോളിനും ഡീസലിനും ഒന്നര രൂപയോളം വര്‍ധിച്ചു.