ഓഹരി വിപണിയില്‍ നേരിയ നേട്ടത്തോടെ തുടക്കം.... സെന്‍സെക്സ് 48,692ലും നിഫ്റ്റി 14,710ലുമാണ് വ്യാപാരം. നേരിയ നേട്ടത്തോടെ സെന്‍സെക്സ് 48,692ലും നിഫ്റ്റി 14,710ലുമാണ് വ്യാപാരം ആരംഭിച്ചത്.

ബിഎസ്ഇയിലെ 1247 കമ്പനികളുടെ ഓഹരികള്‍ നേട്ടത്തിലും 278 ഓഹരികള്‍ നഷ്ടത്തിലുമാണ്. 100 ഓഹരികള്‍ക്ക് മാറ്റമില്ല. മികച്ച പ്രവര്‍ത്തനഫലം പുറത്തുവിട്ട ഏഷ്യന്‍ പെയിന്റ്സ് ഓഹരി നാലുശതമാനത്തോളം ഉയര്‍ന്നു. ടൈറ്റാന്‍, എസ്ബിഐ, ഐടിസി തുടങ്ങിയ ഓഹരികള്‍ ഒരുശതമാനവും നേട്ടത്തിലാണ്.

ടിസിഎസ്, മഹീന്ദ്ര ആന്‍ഡ് മഹീന്ദ്ര, ടെക് മഹീന്ദ്ര തുടങ്ങിയ ഓഹരികളാണ് നഷ്ടത്തില്‍. നിഫ്റ്റി പൊതുമേഖല സൂചിക രണ്ടുശതമാനം നേട്ടത്തിലാണ്. ഐടി സൂചിക നഷ്ടത്തിലുമാണ്.

കഴിഞ്ഞ വ്യാപാര ദിനത്തില്‍ വിദേശ നിക്ഷേപ സ്ഥാപനങ്ങള്‍ 1,260.59 കോടി രൂപയുടയും ആഭ്യന്തര നിക്ഷേപ സ്ഥാപനങ്ങള്‍ 704.36 കോടി രൂപയുടെയും ഓഹരികളാണ് വിറ്റൊഴിഞ്ഞത്.