ഇന്ധനവില കുതിച്ചുയരുന്നു.... സാധാരണക്കാര്‍ നെട്ടോട്ടത്തില്‍, തിരുവനന്തപുരത്ത് പെട്രോള്‍ വില 96ലേക്ക്. കോവിഡ് മഹാമാരിക്കിടയിലും ഇന്ധവിലയുടെ വര്‍ദ്ധനവ് സാധാരണക്കാരെ ഏറെ ബുദ്ധിമുട്ടിലാക്കുന്നു.

ഈ കോവിഡ് കാലത്ത് നിരവധി പേര്‍ക്ക് ജോലിയൊന്നുമില്ലാതെ വീട്ടിലിരിക്കുകയാണ്. അത്യാവശ്യകാര്യങ്ങള്‍ക്കായി പുറത്തേക്ക് പോകണമെങ്കില്‍ അതിന് പറ്റാത്ത അവസ്ഥയാണ്. പൊതുഗതാഗതം പോലുമില്ലാത്ത ഈ ചുറ്റുപാടില്‍ ജനങ്ങള്‍ ആകെ കഷ്ടപ്പെടുകയാണ്.

രാജ്യത്തിന്റെ വിവിധ ഭാഗങ്ങളില്‍ ഇതിനോടകം സെഞ്ചുറി കടന്ന പെട്രോള്‍ വില സംസ്ഥാനത്തും 100 ലേക്ക് കുതിക്കുന്നു.

പെട്രോളിന് ഇന്ന് 26 പൈസയും ഡീസലിന് 29 പൈസയും വര്‍ദ്ധിപ്പിച്ചു. ഒരു മാസത്തിനിടെ പതിനഞ്ചാം തവണയാണ് ഇന്ധനിവിലയില്‍ വര്‍ധനവുണ്ടാകുന്നത്.