ഇന്ധനവില കത്തുന്നു. പെട്രോളിന് 29 പൈസയും, ഡീസലിന് 30 പൈസയുമാണ് വര്‍ദ്ധിപ്പിച്ചത്. തിരുവനന്തപുരത്ത് ഒരു ലിറ്റര്‍ പെട്രോളിന് 99 രൂപ 20 പൈസയും, ഡീസലിന് 94 രൂപ നാല്‍പത്തിനാല് പൈസയുമാണ് ഇന്നത്തെ വില.


കൊച്ചിയില്‍ പെട്രോള്‍ ലിറ്ററിന് 97 രൂപ 32 പൈസയും, ഡീസലിന് 93 രൂപ 71 പൈസയുമായി. കഴിഞ്ഞ ഇരുപത് ദിവസത്തിനിടെ പതിനൊന്നാം തവണയാണ് ഇന്ധനവില കൂട്ടുന്നത്.

അതേസമയം രാജ്യാന്തര വിപണിയില്‍ അസംസ്‌കൃത എണ്ണയ്ക്ക് വില കൂടുന്നതും കുറയുന്നതും ആശ്രയിച്ചാണ് ഇന്ത്യയില്‍ പെട്രോള്‍, ഡീസല്‍ നിരക്കുകള്‍ മാറിമറയുന്നത്. ഒപ്പം വിദേശ വിനിമയ നിരക്കും ഇന്ധനവിലയെ സ്വാധീനിക്കുന്നു.

എന്നാല്‍ പെട്രോളിനും ഡീസലിനും കേന്ദ്രവും സംസ്ഥാനങ്ങളും ചുമത്തുന്ന ഉയര്‍ന്ന നികുതിയാണ് ചിത്രം കൂടുതല്‍ വഷളാക്കുന്നത്.