കേരളത്തില്‍ പെട്രോള്‍ വില നൂറു കടന്നു. പാറശാലയിലാണ് പെട്രോള്‍ വില നൂറു കടന്നത്. പാറശാലയില്‍ പെട്രോള്‍ ലിറ്ററിന് 100.04 രൂപയാണ് ഇന്നത്തെ വില.

പെട്രോളിന് 26 പൈസയും ഡീസലിന് എട്ട് പൈസയുമാണ് ഇന്ന് കൂട്ടിയത്. തിരുവനന്തപുരം നഗരത്തില്‍ പെട്രോളിന് ഒരു ലിറ്ററിന് 99.80 രൂപയും ഡീസലിന് 95.62 രൂപയുമാണ് ഇന്നത്തെ വില.

കൊച്ചിയില്‍ പെട്രോളിന് 97.86 രൂപയും ഡീസലിന് 94.79 രൂപയുമാണ് വില. കോഴിക്കോട്ട് പെട്രോള്‍ 98.23 രൂപയും ഡീസലിന് 93.43 രൂപയുമാണ് വില.

132 ദിവസം കൊണ്ടാണ് പെട്രോള്‍ ലിറ്ററിന് 90 രൂപയില്‍ നിന്ന് നൂറിലെത്തിയത്. 22 ദിവസത്തിനുള്ളില്‍ 12 തവണയാണ് ഇന്ധന വില കൂട്ടിയത്.