വീട്ടിലിരുന്ന് നേടാം, മാസം 50,000രൂപ!ഞെട്ടാൻ വരട്ടെ.സംഭവം സത്യമാണ്.എങ്ങനെയെന്നല്ലേ? പറഞ്ഞു തരാം. ചില വിഷയത്തിൽ നമുക്ക് അറിവുണ്ടാകുമല്ലോ ? അത് വച്ച് പണം നേടാം. പറഞ്ഞു വരുന്നത് ഓൺലൈൻ കോച്ചിങ്ങുകളെ കുറിച്ചാണ്.

മുതൽ മുടക്കൊന്നുമില്ലാതെ ഈ മേഖല തെരഞ്ഞെടുക്കാവുന്നതാണ്. ഡിജിറ്റൽ ബിസിനസ് എന്ന രീതിയിൽ ഇത് തെരഞ്ഞെടുക്കാം കേട്ടോ. സംരംഭകന്റെ യോഗ്യതയ്ക്കനുസരിച്ച് കോഴ്സുകളും പ്രോഗ്രാമുകളും തീരുമാനിക്കുക. യുട്യൂബിൽ ഒരു കോച്ചിങ് ക്ലാസ് പോസ്റ്റ് ചെയ്തുകൊണ്ട് ഈ രംഗത്തേക്കു പ്രവേശിക്കാവുന്നതാണ്.

വലിയ നിക്ഷേപം നടത്തേണ്ടുന്ന ആവശ്യമില്ല. കംപ്യൂട്ടർ, നെറ്റ് കണക്‌ഷൻ, മികച്ച വിഡിയോകൾ ഉറപ്പാക്കാവുന്ന സംവിധാനം. നിലവിൽ കംപ്യൂട്ടർ സൗകര്യങ്ങൾ ഉള്ളവർക്ക് പ്രത്യേക നിക്ഷേപങ്ങൾ ഒന്നും ഇല്ലാതെ തുടങ്ങാം. 50,000 രൂപ ഉണ്ടെങ്കിൽ പുതുതായി ഇത്തരം സംവിധാനങ്ങൾ ഉണ്ടാക്കാം. ഗെസ്റ്റ് ഫാക്കൽറ്റികളുടെ സേവനങ്ങളും പ്രയോജനപ്പെടുത്താം.

എസ്‌സി, ബാങ്ക് കോച്ചിങ്, സ്കൂൾ, കോളജ്,എൻജിനീയറിങ്, മെഡിക്കൽ, ബിസിനസ്, ഭാഷകൾ, ഐഇഎൽടിഎസ്, ഒഇടി എന്നീ മേഖലകളിൽ എല്ലാ തന്നെ ഇതിനു സാധ്യതയുണ്ട്. ക്രാഷ് കോഴ്സുകളും നടത്താം. പൊതുവിജ്ഞാനം, കണക്ക്, ഇംഗ്ലിഷ്, മലയാളം എന്നിങ്ങനെ പ്രത്യേക പ്രോഗ്രാമുകൾ നടത്താം.

കോച്ചിങ് പാക്കേജുകൾക്കനുസരിച്ച് നിലവാരം, ദൈർഘ്യം, മത്സരാർഥികളുടെ എണ്ണം എന്നിവയുടെ അടിസ്ഥാനത്തിൽ ഫീസും നിശ്ചയിക്കാവുന്നതാണ് . കോച്ചിങ് നടത്തുന്നത് ഏതു വിഭാഗത്തിന് വേണ്ടിയാണോ അവരുടെ നിലവാരത്തിന് അനുസരിച്ചുള്ള പാക്കേജുകൾ നൽകാം.

ഒരു മാസം മുതൽ 12 മാസം വരെ നീണ്ടുനിൽക്കുന്ന കോഴ്സുകൾ ഉണ്ട്. ഒരു മാസത്തെ പ്രത്യേക കോഴ്സുകളായും തുടങ്ങാം. ഇതുമാത്രമല്ല യോഗയോ, ഫിറ്റ്നെസ് ക്ലാസുകളോ എന്തിന് രാമായണം, ഭാഗവതം പോലുള്ളവയോ ഒക്കെ ഇങ്ങനെ മികച്ച രീതിയിൽ ഓൺലൈൻ ക്ലാസെടുക്കാൻ സാധിക്കുമെന്നതാണ് നേട്ടം.

യോഗ്യതയുള്ള അധ്യാപകരെ നിയമിച്ചും പൊതു‌സമൂഹത്തിൽനിന്ന് ഉയർന്നുവരുന്ന ആവശ്യങ്ങൾക്കനുസരിച്ചും കോച്ചിങ് പാക്കേജുകൾ നടപ്പാക്കാവുന്നതാണ്. ശ്രമിച്ചാൽ ഒരു മാസത്തിനുള്ളിൽ 50,000 രൂപയെങ്കിലും ഈ ബിസിനസിലൂടെ നേടാൻ കഴിയും.