ഡോളറിനെതിരെ മൂല്യമുയര്‍ന്ന് രൂപ. 73.29 ഡോളര്‍ ആയാണ് രൂപയുടെ മൂല്യം ഉയര്‍ന്നത്. ആഭ്യന്തര ഓഹരികള്‍ ശക്തി പ്രാപിച്ചതും ഡോളര്‍ ദുര്‍ബലമായതും രൂപക്ക് തുണയായി. ഡോളറിനെതിരെ രൂപയുടെ മൂല്യം 40 പൈസയാണ് ഉയര്‍ന്നത്. തുടക്കത്തില്‍ 73.46 എന്ന നിലവാരത്തില്‍ ആയിരുന്നു രൂപയുടെ വിനിമയം. ജൂണ്‍ 16 ന് ശേഷമുള്ള ഏറ്റവും ഉയര്‍ന്ന നിരക്കാണിത്.

വെള്ളിയാഴ്ച 73.68 എന്ന നിലവാരത്തില്‍ ആയിരുന്നു വ്യാപാരം. മിക്ക ഏഷ്യന്‍ കറന്‍സികളുടെയും മൂല്യം ഉയര്‍ന്നു. ഡോളര്‍ വീണതിനാല്‍ ആണിത്. യുഎസ് ഫെഡറല്‍ റിസര്‍വ് ചെയര്‍മാന്‍ ജെറോം പവലിന്റെ പ്രസ്താവനയാണ് ഡോളറിന്റെ മൂല്യം കുറച്ചത്. ധനകാര്യ നയം ലഘൂകരിച്ചേക്കില്ലെന്ന സൂചനകാളാണ് ഡോളര്‍ ഇടിയാന്‍ കാരണമായത്.

ഫെഡ് റിസര്‍വ് പലിശ നിരക്കുകള്‍ ഇതേ നിരക്കില്‍ നിലനിര്‍ത്തിയേക്കും എന്ന സൂചനകളുമുണ്ട്. ഫ്യൂച്വര്‍ വ്യാപാരത്തില്‍ 0.76 ശതമാനം ഉയര്‍ന്ന നിരക്കലാണ് രൂപയുടെ വിനിമയം. സെപ്റ്റംബര്‍ 28 ലെ നിലവാരമാണിത്. ഡോളര്‍ മൂല്യം, വിദേശ സ്ഥാപന നിക്ഷേപങ്ങള്‍ എന്നിവയെ ഇത് ബാധിക്കുമോ എന്ന ആശങ്കയിലാണ് വിപണികള്‍. ഡോളര്‍ മൂല്യം പിടിച്ചു നിര്‍ത്തിയാല്‍ രൂപ കരുത്താര്‍ജിക്കാന്‍ സാധ്യതയുണ്ടെന്ന് നിക്ഷേപകര്‍ ചൂണ്ടിക്കാട്ടുന്നു.

അതേസമയം, ഇന്ത്യയില്‍ ദിവസേനയുള്ള കൊവിഡ് കേസുകള്‍ വര്‍ദ്ധിക്കുന്നതും, ഉത്പാദനം കുറഞ്ഞതിനെ തുടര്‍ന്ന് അസംസ്‌കൃത എണ്ണവിലയിലെ വര്‍ദ്ധനവും രൂപയുടെ മൂല്യത്തെ ബാധിച്ചേക്കാം. എന്നാല്‍ സെപ്റ്റംബറില്‍ ഡോളറിനെതിരെ രൂപയുടെ വിനിമയം 73.50-73.90 എന്ന നിലവാരത്തില്‍ ആയേക്കാം.

മുംബൈ സ്റ്റോക്ക് എക്‌സ്‌ചേഞ്ച് സൂചികയായ സെന്‍സെക് 765 പോയിന്റുകള്‍ ഉയര്‍ന്ന് 56,889.76 ഡോളര്‍ എന്ന നിലവാരത്തില്‍ ആണ് വ്യാപാരം അവസാനിപ്പിച്ചത്. നാഷണല്‍ സ്റ്റോക്ക് എക്‌സചേഞ്ച് സൂചികയായ നിഫ്റ്റി 226 പോയിന്റുകള്‍ ഉയര്‍ന്ന് 16,931 എന്ന നിലവാരത്തില്‍ വ്യാപാരം അവസനിപ്പിച്ചു. സൂചികകള്‍ കൂടുതല്‍ കരുത്തുകാട്ടിയാല്‍ രൂപയുടെ വിനിമയ നിരക്ക് വരും ദിവസങ്ങളിലും ഉയര്‍ന്നേക്കും