പൈലറ്റുമാര്‍ക്ക് മണിക്കൂര്‍ അടിസ്ഥാനത്തില്‍ ശമ്പളം, സാമ്പത്തിക പ്രതിസന്ധി വിട്ടുമാറാതെ വിമാനക്കമ്പനികള്‍
വിമാന സര്‍വീസുകള്‍ പുനരാരംഭിച്ചെങ്കിലും സാമ്പത്തിക പ്രതിസന്ധി വിട്ടുമാറാത്ത അവസ്ഥയിലാണ് വിമാന കമ്പനികള്‍. കോവിഡ് കാലത്ത് ഉടനീളം പൈലറ്റുമാര്‍ക്ക് മണിക്കൂര്‍ അടിസ്ഥാനത്തില്‍ ശമ്പളം നല്‍കുകയായിരുന്നു സ്‌പൈസ് ജെറ്റ്. എന്നാല്‍ ശമ്പളയിനത്തില്‍ വന്‍ തുക ലഭിക്കാനുണ്ടെന്ന് ചൂണ്ടിക്കാട്ടി ജീവനക്കാര്‍ രംഗത്തെത്തിയതോടെ പൈലറ്റുമാര്‍ക്കായി പുതിയ ശമ്പള വ്യവസ്ഥ അവതരിപ്പിക്കാന്‍ തയ്യാറെടുക്കുകയാണ് കമ്പനി.
പൈലറ്റുമാര്‍ക്ക് ശമ്പളം ഉയര്‍ത്താം എന്നു മാത്രമല്ല അധിക മണിക്കൂര്‍ വിമാനം പറത്തുന്നവര്‍ക്ക് ഓവര്‍ ടൈം നല്‍കാമെന്നും കമ്പനി പ്രഖ്യാപിച്ചിട്ടുണ്ട്. അതേസമയം പൈലറ്റുമാര്‍ മിക്കവരും ഒത്തു തീര്‍പ്പിന് തയ്യാറായിട്ടില്ല. കഴിഞ്ഞ വര്‍ഷം ഏപ്രിലില്‍ നടപ്പാക്കിയ ശമ്പള വ്യവസ്ഥ മൂലം ശമ്പളം തുടര്‍ച്ചയായി കുറച്ചിരിക്കുകയാണെന്നുമാണ് പൈലറ്റുമാര്‍ പറയുന്നു. ഇത് ഇവരെ കുടുത്ത സമ്മര്‍ദ്ദത്തിലാക്കുന്നുണ്ട്.
വിമാന കമ്പനിയുടെ പാസഞ്ചര്‍ ഫ്‌ലൈറ്റുകളില്‍ 85 ശതമാനത്തിലധികം സീററഅുകളിലും യാത്രക്കാര്‍ എത്തിത്തുടങ്ങി. പകര്‍ച്ചവ്യാധി സമയത്ത് ഏറ്റവും വലിയ എയര്‍ കാര്‍ഗോ കാരിയറുകളില്‍ ഒന്നായി സപൈസ് ജറ്റ് മാറിയിരുന്നു. എന്നാല്‍ കൊവിഡ് വ്യാപനത്തിന് മുമ്പുള്ള ശമ്പളത്തിന്റെ മൂന്നിലൊന്ന് അല്ലെങ്കില്‍ പകുതി മാത്രമാണ് ഇപ്പോള്‍ തങ്ങള്‍ക്ക് ലഭിക്കുന്നതെന്ന് പൈലറ്റുമാര്‍ പറയുന്നു.
അതേസമയം കൊവിഡ് മൂലം മിക്ക കമ്പനികളും ജീവനക്കാരെ പിരിച്ചു വിട്ടെന്നും കമ്പനി ചെലവുചുരുക്കലിന്റെ ഭാഗമായി ആരെയും പിരിച്ചു വിട്ടിട്ടില്ലെന്നും സ്‌പൈസ് ജറ്റ് അധികൃതര്‍ വ്യക്തമാക്കി. കൊവിഡ് വ്യാപനം മൂലം യാത്രാ വിമാനങ്ങള്‍ ഇല്ലാതായതോടെ 2020 ഏപ്രില്‍ ഒന്നു മുതല്‍ മണിക്കൂര്‍ അടിസ്ഥാനത്തില്‍ ആണ് ശമ്പളം നല്‍കിയിരുന്നത്. ശമ്പളം നല്‍കാതെ പൈലറ്റുമാരെ അവധിയെടുക്കാന്‍ നിര്‍ബന്ധിച്ചിരുന്നില്ല. പകര്‍ച്ചവ്യാധി സമയത്ത് മറ്റ് പല എയര്‍ലൈനുകളും സം ജീവനക്കാരുടെ കരാറുകള്‍ റദ്ദാക്കുകയാണ് ചെയ്തത് കൊവിഡിന്റെ രണ്ടാമത്തെ തരംഗമാണ് സാധാരണ ശമ്പള ഘടന നടപ്പാക്കാന്‍ തടസമായതെന്ന് സ്‌പൈസ് ജറ്റ് അധികൃതര്‍ പറയുന്നു.
https://www.facebook.com/Malayalivartha
