പണപ്പെരുപ്പം ജൂലായില്‍ 5.79 ശതമാനമായി ഉയര്‍ന്നു. നാലുമാസത്തിനിടയിലെ ഏറ്റവും ഉയര്‍ന്ന നിലയാണിത്‌. ഭക്ഷ്യവിലയില്‍ ഉണ്ടായ വര്‍ധനവാണ്‌ പണപ്പെരുപ്പം കൂടാന്‍ പ്രധാന കാരണം. കൂടാതെ ഡോളറിന്റെ മൂല്യത്തിലുണ്ടാകുന്ന ഉയര്‍ച്ചയും ഇതിന്‌ കാരണമായി. ഇന്ധനവില ഉയരുന്നതും മറ്റൊരു കാരണമായി ചൂണ്ടിക്കാട്ടുന്നുണ്ട്‌.

ജൂണില്‍ 4.36 ശതമാനമായിരുന്നു പണപ്പെരുപ്പം. ഫെബ്രുവരിയില്‍ രേഖപ്പെടുത്തിയ 7.28 ആണ്‌ ഈ വര്‍ഷത്തെ ഏറ്റവും ഉയര്‍ന്ന നിരക്ക്‌. പണപ്പെരുപ്പം 4-5 ശതമാനത്തില്‍ കൂടുതല്‍ ആകരുതെന്ന്‌ റിസര്‍വ്‌ ബേങ്ക്‌ നിരീക്ഷിച്ചിരുന്നു.