സംസ്ഥാനത്ത് സ്വർണ വിലയിൽ വീണ്ടും കുറവ് ... ഇന്ന് പവന് 280 രൂപയാണ് കുറഞ്ഞത്. പവന് 30,300 രൂപയാണ് ഇന്നത്തെ വില. ഒരു ഗ്രാമിന് 3790 രൂപയാണ് വില. ഇന്നലെ പവന് വില 30,600 രൂപയായിരുന്നു. കൊറോണ പടർത്തിയ ആശങ്കയെ തുടർന്ന് സുരക്ഷിത നിക്ഷേപം എന്ന നിലയിൽ സ്വർണം വാങ്ങിക്കൂട്ടിയ നിക്ഷേപകർ നിക്ഷേപം വിറ്റൊഴിഞ്ഞ് ലാഭം എടുത്തതാണ് വില ഇടിവിന് പിന്നിൽ എന്നാണു റിപ്പോർട്ടുകൾ . രാജ്യാന്തര വിപണിയിൽ ഉണ്ടായിരിക്കുന്ന വില ഇടിവാണ് ഇന്ത്യൻ വിപണിയെയും ഉലച്ചിരിക്കുന്നത്.

മാര്‍ച്ച് ഒമ്പതിലെ എക്കാലത്തെയും ഉയര്‍ന്ന വിലയായ 32,320 രൂപയില്‍നിന്ന് 1200 രൂപകുറഞ്ഞ് കഴിഞ്ഞദിവസം 30,600 രൂപയിലെത്തിയിരുന്നു. ഇതോടെ അഞ്ചുദിവസംകൊണ്ട് 2000 രൂപയാണ് കുറഞ്ഞത്..

രാജ്യാന്തര വിപണിയിൽ സ്വർണ വിലയിൽ മാറ്റമില്ല. ഔണ്‍സിന് 1,534.25ഡോളർ എന്ന നിലവാരത്തിൽ ആണ് വ്യാപാരം. ഒരു ഗ്രാമിന് 49.33 ഡോളറും, കിലോഗ്രാമിന് 49,327.28രൂപയാണ് വില.