സംസ്ഥാനത്ത് തുടര്‍ച്ചയായ രണ്ടാം ദിനവും സ്വര്‍ണവിലയില്‍ മാറ്റമില്ല. വെള്ളിയാഴ്ച പവന് 80 രൂപ കൂടി 37,400 രൂപയായിരുന്നു. ഇന്നും ഇന്നലെയും ഇതേ വില തുടരുകയാണ്. ഗ്രാമിന് 4675 രൂപയാണ് വില. പത്ത് രൂപയാണ് വെള്ളിയാഴ്ച ഗ്രാമിന് കൂടിയിരുന്നത്.

സെപ്റ്റംബര്‍ ഏഴിന് ഈ മാസത്തെ ഏറ്റവും കുറഞ്ഞ വിലയിലായിരുന്നു സ്വര്‍ണം. സെപ്റ്റംബര്‍ എട്ടിന് പവന് 200 രൂപ കൂടി. ഇന്നലെ വീണ്ടും 80 രൂപ കൂടി. പവന് 400 രൂപ കുറഞ്ഞാണ് സെപ്റ്റംബര്‍ ഏഴിന് 37,120 രൂപയായത്.

ഗ്രാമിന് 50 രൂപയുമായിരുന്നു കുറഞ്ഞത്. സെപ്റ്റംബര്‍ ആറിന് ഈ മാസത്തെ ഏറ്റവും ഉയര്‍ന്ന നിരക്കിലായിരുന്നു സ്വര്‍ണവില. അതായത് അന്ന് പവന് 37,520 രൂപയായിരുന്നു .