സോഷ്യൽ മീഡിയ ഭീമനായ ഫേസ്ബുക്കിന്റെ ഉടമസ്ഥതിയിലുള്ള 'ഇന്‍സ്റ്റാഗ്രാം' വളരെയേറെ തരംഗങ്ങൾ സൃഷ്ടിച്ച ഒരു സാമൂഹിക മാധ്യമമാണ്. അതുകൊണ്ട് തന്നെ എല്ലായിപ്പോഴും ഇവർ വ്യത്യസ്തങ്ങളായ ഫീച്ചറുകൾ അവതരിപ്പിക്കാറുണ്ട്.

ഏറ്റവും ജനപ്രീതിയുള്ള ഫീച്ചറുകളിലൊന്നായ 'സ്റ്റോറീസ്' നു പിന്നാലെ ഒരു പുത്തൻ ഫീച്ചറുമായാണ് ഇന്‍സ്റ്റാഗ്രാം ആപ്ലിക്കേഷന്‍ ഇപ്പോഴും എത്തിയിരിക്കുന്നത്. നിലവിൽ 40 കോടി ഉപയോക്താക്കളുള്ള ഒരു സോഷ്യൽ മീഡിയയാണ് ഇന്‍സ്റ്റാഗ്രാം.

ആപ്ലിക്കേഷന്റെ പുതിയ പതിപ്പില്‍ ക്വസ്റ്റ്യന്‍ സ്റ്റിക്കര്‍ ഫീച്ചര്‍ ആണ് കമ്പനി അവതരിപ്പിച്ചിരിക്കുന്നത്. ചോദ്യങ്ങള്‍ നല്‍കാവുന്ന ബോക്‌സ് ഇന്‍സ്റ്റാഗ്രാം സ്‌റ്റോറീസിനൊപ്പം നല്‍കാന്‍ സാധിക്കുന്ന ഫീച്ചറാണിത്. ചോദ്യങ്ങള്‍ കാണുന്ന ഉപയോക്താക്കള്‍ക്ക് ആ ചോദ്യത്തിന് ബോക്‌സിനുള്ളില്‍ ഉത്തരം ടൈപ്പ് ചെയ്യാനും കഴിയും.

ഈ ഫീച്ചര്‍ ഉപയോഗിക്കണമെങ്കില്‍ ഉപയോക്താക്കള്‍ സ്‌റ്റോറീസിനൊപ്പം ഒരു സ്റ്റിക്കര്‍ കൂടി ചേര്‍ക്കണം. അതില്‍ ചോദ്യമോ കാഴ്ചക്കാര്‍ക്ക് മറുപടി പറയാനുള്ള സ്ഥലമോ നൽകാനാകും. കാഴ്ചക്കാര്‍ ആരെങ്കിലും മറുപടി നല്‍കിയിട്ടുണ്ടെങ്കില്‍ അതിന്റെ നോട്ടിഫിക്കേഷന്‍ ആ സ്റ്റോറിയ്ക്ക് താഴെ കാണാന്‍ സാധിക്കും. വ്യൂവേഴ്‌സ് ലിസ്റ്റിലാണ് ഇതിനുള്ള മറുപടികള്‍ ലഭിക്കുക.