501 രൂപയും പഴയ ഫോണും നല്കുന്നവര്ക്ക് ജിയോയുടെ പുതുപുത്തന് ഫോണ് ഓഫര്
പഴയ മൊബൈല് ഫോണുകള് കൈമാറി പകരം പുതിയ ജിയോ ഫോണ് സ്വന്തമാക്കാനുള്ള 'ജിയോഫോണ് മണ്സൂണ് ഹങ്കാമ' പദ്ധതി ജൂലൈ 20ന് നിലവില് വരും. മണ്സൂണ് ഹങ്കാമ പദ്ധതി നടപ്പാക്കിയതിലൂടെ പുതിയ ബിസിനസ് സാധ്യതകള്, തൊഴിലവസരങ്ങള്, വിദ്യാഭ്യാസം, തുടങ്ങി നിരവധി സേവനങ്ങള് ഇനി മുതല് രാജ്യത്തെ സാധാരണക്കാരുടെ വിരല്ത്തുമ്പിലൂടെ അനായാസം സാധ്യമാകും.
ജൂലായ് 20 വൈകിട്ട് അഞ്ചുമണി മുതല് പ്രവര്ത്തനക്ഷമമായ പഴയ ഏതു ബ്രാന്റ് ഫോണും 501 രൂപയും നല്കിയാല് പുതിയ ജിയോഫോണ് ലഭിക്കും. ഓഗസ്റ്റ് 15 മുതല് ഫേസ്ബുക്കും, വാട്ട്സ്ആപ്പും, യുട്യൂബും ഉപഭോക്താക്കള്ക്ക് ജിയോഫോണില് ലഭ്യമാകും. സ്മാര്ട്ട് ഫോണുകളില് ലഭിക്കുന്ന എല്ലാ ആപ്പുകളും ജിയോ ഫോണില് ഇതോടെ ലഭ്യമാകും.
പ്രത്യേക വോയ്സ് കമാന്ഡ് സംവിധാനവും ജിയോഫോണിലുണ്ടാകും. ആദ്യമായി ജിയോ ഫോണ് ഉപയോഗിക്കുന്ന ഒരാള്ക്ക് വളരെ ലളിതമായി സമൂഹ മാധ്യമ ആപ്പുകള് കൈകാര്യം ചെയ്യാനാകും. വോയ്സ് കമാന്ഡ് ഫീച്ചറിലൂടെ ഫോണ് വിളികള്, മെസ്സേജിങ്, ഇന്റര്നെറ്റ് പരതല്, വീഡിയോ, സംഗീതം എന്നിവയൊക്കെ വളരെ ലളിതമായി വിനിയോഗിക്കാനാകും.
https://www.facebook.com/Malayalivartha
