ഉപയോക്താക്കള്‍ക്ക് തിരിച്ചടിയായി പഴയ പ്ലാനുകൾക്ക് ഡേറ്റ കുറച്ച് എയര്‍ടെല്‍. റിലയന്‍സ് ജിയോയുടെ ഡബിള്‍ ധമാക ഓഫര്‍ വന്നപ്പോൾ ആണ് എയര്‍ടെല്‍ ഈ പ്ലാനുകളില്‍ അധിക ഡേറ്റ വാഗ്ദാനം ചെയ്തിരുന്നത്. എന്നാല്‍ ജൂണ്‍ 20ന് ജിയോ ഓഫറുകള്‍ അവസാനിച്ചപ്പോള്‍ എയര്‍ടെല്‍ ഡേറ്റ ഓഫറുകള്‍ കുറയ്ക്കുകയായിരുന്നു. എയര്‍ടെല്‍ തങ്ങളുടെ 149 രൂപ, 399 രൂപ എന്നീ പ്ലാനുകള്‍ പുതുക്കി.

ഇപ്പോള്‍ 149 രൂപ പ്ലാനില്‍ 1ജിബി ഡേറ്റ 28 ദിവസത്തെ വാലിഡിറ്റിയില്‍ പ്രതി ദിനം നല്‍കുന്നു. നേരത്തെ ഈ പ്ലാനില്‍ പ്രതി ദിനം 2ജിബി ഡേറ്റയായിരുന്നു അതേ വാലിഡിറ്റിയില്‍. എയര്‍ടെല്ലിന്റെ 399 രൂപ പ്രീപെയ്ഡ് പ്ലാനില്‍ 2.4ജിബി ഡേറ്റയായിരുന്നു നേരത്തെ നല്‍കിയിരുന്നത്. ഇപ്പോള്‍ 1.4ജിബി ഡേറ്റയാണ് നല്‍കുന്നത്. ഈ പ്ലാനില്‍ ചില ഉപയോക്താക്കള്‍ക്ക് 70 ദിവസവും ചില ഉപയോക്താക്കള്‍ക്ക് 84 ദിവസവുമാണ് വാലിഡിറ്റി.