സോഷ്യൽ മീഡിയ ഭീമനായ ഫേസ്ബുക്കിന്റെ ഏറ്റവും വലിയ മെ​സ്സേജിങ്​ ആപ്ലിക്കേഷനുകളിലൊന്നാണ് വാട്​സ്ആപ്പ്. ജനപ്രിയ ആപ്ലിക്കേഷനിൽ അടുത്ത വർഷം മുതൽ പരസ്യം ഉൾകൊള്ളിക്കാനാണ് ഫേസ്ബുക് മേധാവി മാർക്ക് സുക്കർബർഗിന്റെ തീരുമാനം. വാട്സാപ്പിലെ മികച്ച സേവനമായ സ്റ്റാറ്റസ്​ സംവിധാനത്തിലായിരിക്കും പരസ്യം ദൃശ്യമാവുകയെന്നാണ് സൂചന.

ഫേസ്​ബുക് അഡ്വർടൈസ്മെന്റ്​ സിസ്റ്റത്തി​ന്റെ കീഴിൽ തന്നെ ആയിരിക്കും വാട്​സ്​ആപ്പിലെ പരസ്യവും. ഫ്രീവെയറായി പുറത്തിറങ്ങിയ വാട്​സ്​ആപ്പ്​ ഇതുവരെ പ്രവർത്തിച്ചത്​ യാതൊരു വരുമാന സാധ്യതകളുമില്ലാതെയായിരുന്നു. എന്നാൽ ഉപയോക്​താക്കളുടെ ആധിക്യം കണക്കിലെടുത്ത്​ അടുത്ത വർഷം മുതൽ പരസ്യം ഉൾപ്പെടുത്തുന്നതോടെ മാതൃകമ്പനിയായ ഫേസ്​ബുക്കും ഇൻസ്റ്റാഗ്രാമും​ പോലെ സക്കർബർഗ്​ വാട്സ്​ആപ്പിലൂടെയും​ പണമുണ്ടാക്കും.

ഫേസ്​ബുക്ക്​ അവരുടെ ഇൻസ്റ്റാഗ്രാമിൽ പരസ്യം നൽകാൻ തുടങ്ങിയിട്ട്​ അധിക നാളുകളായിട്ടില്ല. ഇൻസ്റ്റാഗ്രാമിൽ 400 മില്ല്യൺ ഉപയോക്​താക്കൾ സ്റ്റാറ്റസ്​ സംവിധാനം ഉപയോഗിക്കുമ്പോൾ വാട്​സ്​ആപ്പിൽ അത്​ 450 മില്ല്യനാണ്​​. ഇത്​ മികച്ചൊരു അവസരമാക്കാൻ ഒരുങ്ങുകയാണ്​ ഫേസ്​ബുക്ക്​.

അതേസമയം ഇൗ വർഷം വാട്​സ്​ആപ്പ്​ ബിസ്​നസ്​ എന്ന മറ്റൊരു ആപ്ലിക്കേഷൻ കൂടി ഫേസ്​ബുക്ക്​ പുറത്തിറക്കിയിരുന്നു. വ്യവസായികൾക്ക്​ അവരുടെ ഉപയോക്​താക്കളുമായി സംവിധിക്കാനും മറ്റുമായിരുന്നു പുതിയ ആപ്പ്​.