ഇന്ത്യ 72 മത് സ്വാതന്ത്ര്യംദിനം ആഘോഷിക്കാനൊരുങ്ങുമ്പോൾ വമ്പൻ ഓഫറുകൾ പ്രഖ്യാപിച്ച് ആമസോൺ രംഗത്തെത്തിയിരിക്കുകയാണ്. സ്മാര്‍ട്ട് ഫോണുകള്‍, കണ്‍സ്യൂമര്‍ ഇലക്‌ട്രോണിക് ഉല്‍പ്പന്നങ്ങള്‍, ഫാഷന്‍ തുടങ്ങിയ നീണ്ട നിര ഉല്‍പ്പന്നങ്ങളെ അണിനിരത്തിയാണ് ആഗസ്റ്റ് ഒൻപത് മുതല്‍ പന്ത്രണ്ട് വരെ ആമസോണ്‍ ഫ്രീഡം സെയില്‍ നടത്താനൊരുങ്ങുന്നത്.

200 ല്‍ അധികം ക്യാറ്റഗറികളിലായി 2500 ബ്രാന്‍ഡഡ് ഉൽപ്പന്നങ്ങൾ ഉൾപ്പടെ 20,000 ത്തോളം ഓഫർ ഡീലുകളാകും ഫ്രീഡം സെയിലിൽ ആമസോണ്‍ വില്‍പ്പന നടത്തുക. അതേസമയം എസ്ബിഐ കാര്‍ഡ് ഉടമകള്‍ക്ക് പ്രത്യേക ഇളവുകളും ആമസോണ്‍ പ്രഖ്യാപിച്ചിട്ടുണ്ട്.

ജെബിഎല്‍, സോണി, വണ്‍ പ്ലസ്, വിവോ, സാംസംഗ്, ഓണര്‍, പ്രസ്റ്റീജ്, എല്‍ജി, ബജാജ്, ആമസോണ്‍ ഇക്കോ ഡിവൈസുകള്‍ തുടങ്ങിയ ലോകോത്തര ബ്രാന്‍ഡുകള്‍ വില്‍പ്പനയ്‌ക്കെത്തുന്നുണ്ട്.