ലോകത്തിലെ ആദ്യ അഞ്ചു ക്യാമറയുള്ള സ്മാർട്ഫോൺ; എല്ജിയുടെ പുത്തൻ മോഡൽ ഒക്ടോബര് 3 നു വിപണിയിലേയ്ക്ക്
ദക്ഷിണകൊറിയന് ഇലക്ട്രോണിക്ക് ഭീമന്മാരായ എല്ജി ലോകത്തിലെ തന്നെ ആദ്യത്തെ അഞ്ചു ക്യാമറയുള്ള ഫോൺ വിപണിയിൽ അവതരിപ്പിക്കാനൊരുങ്ങുകയാണ്. എല്ജി 'V40 ThinQ' എന്ന പുത്തൻ മോഡൽ സ്മാർട്ഫോൺ ഒക്ടോബര് 3ന് വിപണിയിൽ അവതരിപ്പിക്കുമെന്നാണ് ഇപ്പോൾ പുറത്തു വരുന്ന റിപ്പോർട്ടുകൾ.
പുത്തൻ മോഡലിൽ അഞ്ചു ക്യാമറകള്ക്ക് പുറമെ 'OLED' അല്ലെങ്കില് എല്സിഡി ഡിസ്പ്ളേ ഉണ്ടാകുമെന്നാണ് സൂചന. പ്രോസസറിന്റെ കാര്യത്തില് Snapdragon 845 തന്നെയാവാന് ആണ് സാധ്യത. മെമ്മറി 6 ജിബി, 8 ജിബി അതുപോലെ 64 ജിബി, 128 ജിബി എന്നിവയും ഫോണില് ഉണ്ടാകുമെന്നാണ് ടെക് മാധ്യമങ്ങള് റിപ്പോര്ട്ട് ചെയ്യുന്നത്.
അതേസമയം V30 യുടെ പിന്ഗാമികളായ V30S, V35 എന്നിവയും ഉടന് ഇറങ്ങാനിരിക്കുകയാണ്. പിറകില് മൂന്ന് സെന്സറുകളും മുന്വശത്ത് രണ്ടു സെന്സറുകളും അടക്കം മൊത്തം 5 ക്യാമറകള്. നിലവില് വിപണിയിലുള്ള ഒരു ഫോണിനും അവകാശപ്പെടാനാവാത്ത ക്യാമറ സവിശേഷതയാണ് ഇത്. ഫോണിനെ സംബന്ധിച്ചുള്ള കൂടുതല് സവിശേഷതകള് ഒന്നും തന്നെ ഇപ്പോള് ലഭ്യമായിട്ടില്ല.
https://www.facebook.com/Malayalivartha