ദീപാവലിയോടനുബന്ധിച്ച് ഉപഭോക്താക്കൾക്ക് അമ്പരപ്പിക്കുന്ന ഒാഫറുകൾ അവതരിപ്പിച്ച് രാജ്യത്തെ മു‍ന്‍നിര ടെലികോം സേവനദാതാക്കളായ റിലയൻസ് ജിയോ രംഗത്തെത്തിയിരിക്കുകയാണ്. ഡിജിറ്റല്‍ പണമിടപാടുകളുടെ ഭാവി മുന്നില്‍ കണ്ടാണ് ജിയോ പുതിയ ഓഫറുകള്‍ പ്രഖ്യാപിച്ചിരിക്കുന്നത്.

റീച്ചാര്‍ജ് ചെയ്യുന്ന മു‍ഴുവന്‍ തുകയും ക്യാഷ് ബാക്ക് ഓഫറിലൂടെ ഉപഭോക്താവിന് തിരികെ ലഭിക്കുന്നതാണ് ജിയോയുടെ ദീപീവലി വെടിക്കെട്ട് ഓഫര്‍. ഒക്ടോബര്‍ 18 മുതല്‍ നവംബര്‍ 30 വരെയാണ് ഉപയോക്താക്കള്‍ക്ക് ഓഫര്‍ ലഭ്യമാവുക. മൈജിയോ അക്കൗണ്ടിലെ ഡിജിറ്റല്‍ കൂപ്പണുകളായി 100 ശതമാനം കാഷ്ബാക്കും ജിയോ വാഗ്ദാനം ചെയ്യുന്നുണ്ട്.

അണ്‍ലിമിറ്റഡ് ലോക്കല്‍/നാഷണല്‍ കോളുകള്‍, പ്രതിദിനം നൂറ് എസ്എംഎസ്, ജിയോ ആപ്ലിക്കേഷനുകളുടെ സബ്‌സ്‌ക്രിപ്ഷന്‍, 1.5 ജിബി പ്രതിദിന ഡേറ്റ അടിസ്ഥാനത്തില്‍ ആകെ 547 ജിബി ഡേറ്റയും ഈ ഓഫറില്‍ ലഭിക്കും. 1.5 ജിബി ഉപയോഗത്തിന് ശേഷം ഇന്റര്‍നെറ്റ് വേഗത കുറയും.

നാല് ഡിജിറ്റല്‍ കൂപ്പണുകളായാണ് കാഷ്ബാക്ക് നിങ്ങള്‍ക്ക് ലഭിക്കുക. ഇതില്‍ മൂന്ന് കൂപ്പണുകള്‍ 500 രൂപയുടേതും, ഒന്ന് 200 രൂപയുടേതുമായിരിക്കും. ഈ കൂപ്പണുകള്‍ റീച്ചാര്‍ജ് ചെയ്യാനും റിലയന്‍സ് ഡിജിറ്റല്‍, റിലയന്‍സ് ഡിജിറ്റല്‍ എക്‌സ്‌പ്രെസ് മിനി സ്റ്റോറുകളില്‍ നിന്നും കുറഞ്ഞത് 5000 രൂപയ്ക്ക് സാധനങ്ങള്‍ വാങ്ങുമ്പോഴും ഉപയോഗിക്കാം.

ഷാവോമി, സാംസങ്, എന്നിവയില്‍ നിന്നുള്ള മൊബൈല്‍ ഫോണുകളും ടാബ് ലെറ്റുകളും എക്‌സ്‌റ്റേണല്‍ ഹാര്‍ഡ് ഡിസ്‌കുകളും വാങ്ങുമ്പോള്‍ ഈ കാഷ്ബാക്ക് ലഭിക്കില്ല.

ഡിജിറ്റല്‍ ട്രാന്‍സാക്ഷന്‍ മേഖലയില്‍ കൂടുതല്‍ ശ്രദ്ധ കേന്ദ്രീകരിക്കുന്നത് ജിയോ ഇതിന് മുമ്പ് തന്നെ ആരംഭിച്ചിട്ടുണ്ട്. ഉപഭോക്താക്കള്‍ക്ക് പണം നഷ്ടമായില്ലെന്ന് തോന്നുകയും കൂടുതല്‍ ഇടപാടുകള്‍ക്ക് ഇതേ കമ്പനിയെ തന്നെ സമീപിക്കുകയും ചെയ്യുന്ന തന്ത്രമാണിത്.